-
25th May 2015, 07:33 AM
#11
Senior Member
Diamond Hubber
செந்தில்வேல் சார்,
தங்களுடைய ஆவணங்களின் பிரம்மாண்ட அணிவகுப்பை இப்போதுதான் சேர்த்து, தொகுத்து தனி போல்டரில் போட்டு வைத்தேன். சுயநலம் சிறிதும் பாராமல் இரவென்றும், பகலென்றும் பாராமல் தாங்கள் தலைவரைப் பற்றி அளித்துள்ள ஆவணங்களுக்கு என் வாழ்நாள் நன்றிகள். இது ஒரு சாதாரண வேலை அல்ல என்பது எனக்குத் தெரியும். ஒவ்வொரு பக்கமாக ஸ்கேன் செய்து அல்லது காமெராவினால் போட்டோ எடுத்து பின் சரி பார்த்து போட்டோ பக்கெட்டில் அப்லோட் செய்து அப்புறம் திரியில் ஒவ்வொன்றாக பதிவு செய்ய வேண்டும். நேரமும் உழைப்பும் அதிகமாக செலவாகும். நிறைய முறை நான் இரவுப் பணிக்கு செல்லும் போது அந்த நேரங்களில் கூட நீங்கள் ஆவணப் பதிவுகள் அளித்துக் கொண்டிருப்பதை பலமுறை பார்த்திருக்கிறேன்.
உடல் உழைப்பு, ஊன் உறக்கம் பாராமல் தாங்கள் செய்து வரும் இந்த அற்புதமான சேவைக்கு தலைவர் தனது ஆசிகளை தங்களுக்கு நிச்சயம் வழங்குவார். நானும், ராகவேந்திரன் சாரும் தினமும் உங்கள் ஆவணப் பதிவுகளைப் பற்றி உரையாடாமல் இருக்க மாட்டோம். நேரமின்மை காரணமாக தங்களுக்கு நான் முன்னமேயே இது பற்றி எழுத முடியவில்லை.
ஜெமினி சினிமாவின் தொகுப்பு அத்தனையும் என்னிடம் உள்ளது. முன்பு நானும் சில ஆவணங்களை அளித்து வந்தேன். பம்மாலாரும் அருமையாக அளித்து வந்தார். இப்போது நீங்கள். (எப்போதுமே நடிகர் திலகத்திற்கு இந்த சேவையை செய்ய ஒருவர் மாற்றி ஒருவர் இருப்பது இந்தத் திரியின் பெருமை மற்றும் அதிர்ஷ்டம்)
இந்த அரிய சேவைக்கும், காலம் கடந்து நிற்கக் கூடிய தங்களின் ஆவணங்களின் அணிவகுப்பிற்கும் மீண்டும் மீண்டும் என் நன்றிகளைத் தெரிவித்துக் கொள்கிறேன்.
Last edited by vasudevan31355; 25th May 2015 at 08:12 AM.
நடிகர் திலகமே தெய்வம்
-
Post Thanks / Like - 2 Thanks, 5 Likes
-
25th May 2015 07:33 AM
# ADS
Circuit advertisement
Bookmarks