மனதைக் கவரும் மதுர கானங்கள் - பாகம் 4

[rajeshkrv]

வாணிக்கு மிக நல்ல மலையாள பாடல்கள் கிட்டி
அதில் இது மிகவும் சிறந்த பாடல்
சலீல் செளத்ரி அவர்களின் இசையில்

[vasudevan31355]

எது எது எங்கே இருக்கணுமோ அது அது அந்த இடத்தில் இருந்தால்தான் அழகு. காமெடி என்றால் காமெடியோடு நிற்கலாம். அதை விடுத்து நடிகர் திலகம் மாதிரி நடிப்பதாக எண்ணிக் கொண்டு நடிகர் திலகத்தின் பிரதான நாயகியையே ஜோடியாக்கிக் கொண்டு இப்படி சோதனை செய்யக் கூடாது. விஜயாவும் இதற்கெல்லாம் ஒத்துக் கொண்டிருக்கக் கூடாது. பாடல் என்னவோ நல்ல பாடல்தான். ஆனால் காட்சியில் குமட்டுகிறது. 'நான் குடித்துக் கொண்டே இருப்பேன்' படத்தின் பெயர். ஆனால் திட்டிக் கொண்டே இருக்க வேண்டும் போல இருக்கிறது.

[RAGHAVENDRA]

எது எது எங்கே இருக்கணுமோ அது அது அந்த இடத்தில் இருந்தால்தான் அழகு. காமெடி என்றால் காமேடியோடு நிற்கலாம். அதை விடுத்து நடிகர் திலகம் மாதிரி நடிப்பதாக எண்ணிக் கொண்டு நடிகர் திலகத்தின் பிரதான நாயகியையே ஜோடியாக்கிக் கொண்டு இப்படி சோதனை செய்யக் கூடாது. விஜயாவும் இதற்கெல்லாம் ஒத்துக் கொண்டிருக்கக் கூடாது. பாடல் என்னவோ நல்ல பாடல்தான். ஆனால் காட்சியில் குமட்டுகிறது. 'நான் குடித்துக் கொண்டே இருப்பேன்' படத்தின் பெயர். ஆனால் திட்டிக் கொண்டே இருக்க வேண்டும் போல இருக்கிறது.

பேசாமல் படத்தின் பேரை நான் குமட்டிக்கொண்டே இருப்பேன் என்று வைத்திருக்கலாம்.

இந்த லட்சணத்தில் படத்தின் பேரில் ஒரு எழுத்தை தலைகீழாகப் போட்டு வேறு நம்மைப் படுத்துவார்கள்.

[chinnakkannan]

ஹாய் குட்மார்னிங் ஆல்..

படம் போர் பாட் நல்லா இருக்கும்ங்கறீங்க வாசு.. சில சமயங்களில் காட்சி நல்லா இருக்கும்.. பாட் ஸோ ஸோ தான்..அதுபோல பாடல்கள் போடலாமே..

ஏனெனில் இன்று எழுதிய வெண்பாக்கள் முகநூலில்

*
Qantab beach, Muscat

காந்தாரி இன்றிருந்தால் கண் திறந்து பார்த்திடுவாள்
காந்தாப் கடற்கரையின் பேரழகை - சீண்டியே
செல்லும் கடலலைகள் திரும்பிவந்து முட்டுவதும்
அள்ளிடும் நெஞ்சினை ஆம்..

திரைகட லோடித் திரவியமாய்ப் பாடலிலே
திரைப்படத்தில் காட்டுவார் தேர்ந்தே - கரையினில்
வெண்மணற் பாதையில் வேகமாய் நாயகியும்
மென்மையாய் ஆடுவாள் ஆம்..

(இங்கு எடுக்கப்பட்ட பாடல்கள் - தத்துவமான - எச்சூச்மி மிஸ்டர் கந்தசாமி -சுச்சியின்குரல்,
சூர்யா வின் ஒரு படம், பாவனாவின் தீபாவளி படத்தில் ஒரு பாடல்)

*

எச்சூச்மி பாட்டை யூட்யூபில் பார்த்து மனம் மகிழலாம்

[raagadevan]

வாணிக்கு மிக நல்ல மலையாள பாடல்கள் கிட்டி
அதில் இது மிகவும் சிறந்த பாடல்
சலீல் செளத்ரி அவர்களின் இசையில்

Here is another song that fits the description of "வாணிக்கு மிக நல்ல மலையாள பாடல்கள் கிட்டி"; composed by Salilda...

[vasudevan31355]

எஸ்.பி.பாலசுப்ரமணியம் பாடிய பழைய பாடல்கள்



(நெடுந்தொடர்)

31

'மாணிக்கப் பதுமைக்கு காணிக்கையாக'

'நீதிதேவன்'

இன்று பாலாவின் தொடரில் மிக அரிய பாடல் ஒன்று. 'நீதிதேவன்' என்ற படத்தின் பாடல் தான் அது. 1971-ல் வந்த படம். இந்தப் படத்தைப் பற்றி எதுவுமே தெரியாத நிலையில் ஒன்றும் சொல்வதற்கில்லை. ஆனால் நாயகன் ஜெயசங்கர். இசை 'திரை இசைத் திலகம்' கே.வி. மகாதேவன் அவர்களாம். இயக்கம் ஆர்.தேவராஜன் என்று இணையத் தகவல்கள் தெரிவிக்கின்றன

மிக அருமையான பாடல். பாலா சுசீலாம்மாவுடன் பாடிய டூயட்களில் இதுவும் குறிப்பிடத்தக்க ஒன்று. குழைத்த சந்தனம் போல குரல் குழைவுகளில் ஜாலம் காட்டியிருப்பார் பாலா வழக்கம் போல. சுசீலாவும் நல்ல ஈடு. பாடல் வரிகளில் சுத்த தமிழ் நிரப்பபட்டு மனதிலும் உவகை நிரப்பப் படுகிறது. நாயகன் கேள்விகளை பல்லவியில் கேட்க அப்படியே தொடரும் நாயகி.

'இளம் கூந்தலின் சாலைக்குக் கீழே '

'அதில் மணவினை பெறலாமா' என்ற புதுமை வரிகள்.

அதே போல ரொம்ப ரசிக்கக் கூடிய, புரிந்து விட்டால் தேனை விட இனிக்கக்கூடிய இனிப்பான வரிகளைப் பாருங்கள்.

'செங்கனி இதழ்களின் மேலே
அது தேன்மொழி பேசிடும் போதே
பங்குக்கு நாலென பழங்கள் பறித்து
பந்தியில் இடலாமா
அதை நான் பசியுடன் பெறலாமா'

அருமையான கற்பனை வளம் பாடலாசிரியருக்கு.

'எப்போதும் இது தப்பாதென்பதை
இதயத்தில் அறிவோமா'

என்று சுசீலா அம்மா அழுத்தம் திருத்தமாக உச்சரிப்பதை பாராட்டாமல் இருக்கவே முடியாது.

இப்படத்தைப் பற்றி விவரங்கள் வந்தவுடன் காட்சிகளை இங்கு இணைத்து பின் தெரிவிக்கிறேன். இப்படத்தைப் பற்றியோ, இப்பாடலைப் பற்றியோ தெரிந்தால் அது பற்றித் தெரிவிக்கும்படி மது அண்ணாவையும், ராகவேந்திரன் சாரையும் அழைக்கிறேன். அதுவரை இப்பாடலின் ஆடியோவைக் கேட்டு மகிழுங்கள்.

மாணிக்கப் பதுமைக்கு காணிக்கையாக
என் மனதைத் தரலாமா
நான் மடியில் வரலாமா

காணிக்கையான பின் ஆனிப்பொன் ஊஞ்சலில்
கவிதைகள் பெறலாமா
அதிலே கனவுகள் வரலாமா

மாணிக்கப் பதுமைக்கு காணிக்கையாக
என் மனதைத் தரலாமா
நான் மடியில் வரலாமா

காணிக்கையான பின் ஆனிப்பொன் ஊஞ்சலில்
கவிதைகள் பெறலாமா
அதிலே கனவுகள் வரலாமா

குங்குமச் சாந்துக்கு மேலே
இளம் கூந்தலின் சாலைக்குக் கீழே
மங்கலமாய் ஒரு முத்தம் கொடுத்திட
மாப்பிள்ளை வரலாமா
அதில் மணவினை பெறலாமா

செங்கனி இதழ்களின் மேலே
அது தேன்மொழி பேசிடும் போதே
பங்குக்கு நாலென பழங்கள் பறித்து
பந்தியில் இடலாமா
அதை நான் பசியுடன் பெறலாமா

மாணிக்கப் பதுமைக்கு காணிக்கையாக
என் மனதைத் தரலாமா

நான் மடியில் வரலாமா

மேடிட்ட மணலினில் படுத்து
சிறு கோடிட்ட புன்னகை விரித்து
தேனிட்ட முகத்துக்கு நானிட்ட நகைகளை
சோதனை இடலாமா
இன்ப வேதனை படலாமா

பொங்கிடும் ஆற்றினில் குளித்து
வரும் போதையிலே மனம் நனைத்து
சங்கு முழங்கிட வண்டுகள் பாடிட
சரசம் பெறுவோமா
அதிலும் சமரசம் அறிவோமா

முப்பால் முழுவதும் படித்து
அதற்கப்பாலும் நடை எடுத்து
எப்போதும் இது தப்பாதென்பதை
இதயத்தில் அறிவோமா

காலை உதயத்தில் எழுவோமா

லாலல்ல லாலல்ல லாலல்ல லாலல்ல
லலலா லலலால்லா
லாலல்ல லலலா லலலால்லா
லலலா லலலால்லா

http://www.inbaminge.com/t/n/Neethi%20Devan/

[vasudevan31355]

//சில சமயங்களில் காட்சி நல்லா இருக்கும்.. பாட் ஸோ ஸோ தான்..அதுபோல பாடல்கள் போடலாமே..//

ஒன்னு போடறது...

[chinnakkannan]

ஏற்கெனவே நீங்க போட்டீங்களே.. ரவி, வாணிஸ்ரீ பாட்டு..

[vasudevan31355]

ஏற்கெனவே நீங்க போட்டீங்களே.. ரவி, வாணிஸ்ரீ பாட்டு..

அப்புறம் வேற ஒண்ணுமே இல்லையா சின்னா! மதிய ஷிப்ட்டுக்கு கிளம்பறேன். நைட் வந்து பார்ப்பேனாக்கும். கபர்தார்.

[chinnakkannan]

சமர்த்தா போய்ட்டு வந்துட்டு ஆராய்ச்சி பண்ணிப் போடுங்க.. நானும் ட்ரைபண்றேன்