Chevalier Dr. Kamal Haasanin Mayyam - Part 9

[venkkiram]

ரஜினி சொன்ன ரெண்டு முக்கியமான வேண்டுகோள்களும் என் பார்வையில் தேவையில்லாத ஒன்று. நுனிப்புல் மேயும் பழக்கம் உள்ளவர்கள் மட்டுமே இப்படி எடுத்தோம் கவுத்தோம்னு பேசமுடியும். வாக்குறுதியை நிறைவேற்ற முடியலன்னு தோனுச்சின்னா உடனே பதவிய ராஜினமா பண்ணிடுங்க என சொல்வதற்கு பதில், 'யார் ஜெயிக்கிறார்களா அவர்கள் தேர்தல் வாக்குறுதிகளை மறக்காம செயல்படுத்துங்க' இப்படி பேசியிருக்கனும். மேலும், கோர்ட் வரைக்கும் சென்று நடிகர் சங்கத்தின் மானம் போகக் காரணமான சரத்-ரவி கூட்டணி செய்த கட்டிட ஒப்பந்தம் பற்றி ஒரு வார்த்தை கூட பேசல.. சரி.. அந்த அளவுக்குக் கூட வேணாம்.. நடிகர் சங்க கட்டிடம் மீண்டும் கட்டப்படனும் என்ற அளவுக்குக் கூட ஒரு வார்த்தை பேசல.

ஆனால் கமல் ரொம்ப நிதானமா "இனி உள்ள பிரிவுகள் போதுமானது, இந்த எலக்ஷன் முடிந்தவுடன் மறுபடியும் எல்லோரும் ஒண்ணா சேர்ந்திரனும்கிறதுதான் என்னுடைய வேண்டுகோள், தவறுகளை இந்தக் குடும்பத்தில் திருத்திக் கொள்ள வேண்டியது அவரவர் கடமை, அதைச் செய்வாங்கன்னு நம்பிக்கை எனக்கு இருக்கு, அதற்கான சாயல்களும், நேரமும் இது என நான் நினைக்கிறென்" என நம்பிக்கையூட்டும் விதத்தில் பேசினார்.

அதுவும் இரண்டு நாட்களுக்கு முன்பு தன்னை தேவையில்லாமல் சபையில் குறிப்பிட்டு அவமானப்படுத்தியவர்களை நோக்கி கமல் ஒரு வார்த்தைகூட கோபப்படல. அல்லது அவற்றை குறித்து பேசக் கூட இல்லை. "தவறுகளை இந்தக் குடும்பத்தில் திருத்திக் கொள்ள வேண்டியது அவரவர் கடமை" - இந்த ஒரே வாக்கியத்திலேயே எல்லோருக்கும் சொல்ல வேண்டியதை நாசுக்காக கண்டித்தும் விட்டார். மிகவும் பக்குவமாக.

ஊடகம் எதை வெளிச்சம் போட்டு மேலும் பல விமர்சனங்களை கமல் மீது அனைவரும் வைக்க உதவுகிறது என்பதை கண்கூடாகப் பார்க்கலாம். "தென்னிந்திய நடிகர் சங்கம் இந்திய நடிகர் சங்கமாக மாறவேண்டும் என்பதுதான் என்னுடைய ஆசை" என்பதை கட்டம் கட்டி பேசுபவர்கள் "It's time to correct the MISTAKES and REBUILD" என கமல் சொன்னதை வசதியாக புறக்கணித்து விட்டார்கள்.