kavidhaikku kavidhai matrum Pattuku pattu-2

**chinnakkannan** · 19th April 2011, 06:11 PM

புன்சிரிப்புகள், கைகுலுக்கல்கள் எல்லாம் முடிந்து
அவரவர் அமர,
ஒரு நிமிட் மேலாளர்;
மீன் மூலம் மேலாண்மை
போன்ற புத்தகங்களைப் பற்றி
நகைச்சுவையுடன் செவ்வனே பேசி
பின்னர்
விற்பனை இலக்கு ஏன் குறைவு..
யாரிடம் என்ன குறை
என விலாவாரியாக விவரித்து,
ஏன் சீக்கிரம் வசூலிக்க முடியவில்லை
ஏன் இவ்வளவு செலவுகள்
என
கணக்கப் பிள்ளையைச் சாடி;
அடுத்த மாத இலக்கை நிர்ணயித்து முடித்து
மணி பார்த்தால் ஒன்றரை..
அதான் பசிக்கிறது..
கை குலுக்கிக் கலைந்து
அறையில் மடிக்கணினியில்
வேறென்ன வேலை.....
மதியம் மூன்று மணிக்கு
விளம்பரக் கம்பெனிப் பெண் வருவாள்..
அழகாவும் இருப்பாள்..
ரசித்துக் கொண்டே பேசினால்
இன்றையப் பொழுது முடிந்த்து..
நாளைக்கு என்ன..
அட..
இன்றைப் போல் ஒன்றுமில்லையே.
போரடிக்குமே..
சரி, தொழிற்சாலை சென்று பேசுவோம்..
நம்மைப் பற்றி.. நமக்குத்தெரிந்த்தைப் பற்றி..
நிறையக் கொஞ்சுவோம்..
கொஞ்சம் திட்டுவோம்..
இப்பொழுது சற்று ஒப்பனை செய்யலாம்..
அழகி வேறு வருவாள்

முகம் கழுவும் அறைக்குச் சென்று
கண்ணாடி பார்த்த்தில்
தெரிந்த து.. சிறந்த மேலதிகாரியின்
பிம்பம்....!

**Google Adsense** · 19th April 2011 06:11 PM

**pavalamani pragasam** · 19th April 2011, 10:18 PM

பிம்பம் நிசத்தின் பிரதிபலிப்பு
என்பதுதான் சராசரி கணிப்பு
இருக்கு கற்பனையின் பங்களிப்பு
கண்ணாடியில் என் முகம் அழகு

**chinnakkannan** · 20th April 2011, 11:50 PM

அழகுக்கும் மலருக்கும் ஜாதியிலை..
நெஞ்சில்
ஆசைக்கும் உணர்வுக்கும் பேதமில்லை..
அறுபதில் பாடிய பாடலதன்
பொருள்
இன்னும் மாறாமல் தானின்று இருக்கிறதா..
அஹ்ஹஹ்ஹா...ஒஹ்ஹோஹ்ஹோ..
டொய்ங்க் டொய்ங்க்...!

**pavalamani pragasam** · 21st April 2011, 07:50 AM

டொய்ங்க்
தன்னிச்சையாய் தந்தியை மீட்டுகிறது விரல்
மேகக்கூட்டமாய் உருமாறி அலையும் மனம்
எண்ணாத எண்ணமெல்லாம் எண்ணி தடுமாறும்
எதை எடுப்பது எதை விடுவது தீராத குழப்பம்
மதில் மேல் பூனையாய் நிற்கும் ஊசலாட்டம்
குழம்பிய குட்டை தெளியுமா மீன் தெரியுமா

**chinnakkannan** · 22nd April 2011, 09:38 AM

தெரியுமா..
உலகம் மிக்க் குறுகலானது..
நாம் சோகமாயிருக்கும் போது...
உலகம் மிக விசாலமானது..
அழகானது..
நமது சந்தோஷத் தருணங்களில்...

**pavalamani pragasam** · 22nd April 2011, 07:19 PM

சந்தோஷத் தருணங்களில்
விசேஷ கணங்களில்
விழாக் காலங்களில்
விகசித்த முகங்களில்
வெளிச்சம் தெரிகிறதே
வெள்ளி முடி மின்னுகிறதே
வெள்ளைச் சிரிப்பு பூக்கிறதே
புதுசாய் மீண்டும் பூக்கிறதே
புகைப்படங்களாய் பிடித்ததை
பார்க்கின்றபோதெல்லாம்

**kirukan** · 22nd April 2011, 07:55 PM

எல்லாம் எளிதாய் நடந்தால் இகழ்வாய்
தெரியும் உழைப்பும் உயர்வும்.

-
கிறுக்கன்

**chinnakkannan** · 22nd April 2011, 08:39 PM

உயர்வும் உயர்வில் அடக்கமுங் கொண்டால்
துயரம் விலகிடும் பார்

**pavalamani pragasam** · 22nd April 2011, 09:56 PM

பார் இன்றுன் பரிதாப நிலையை
எவ்வழி மன்னன் அவ்வழி மக்கள்
கோலோச்சும் அரசின் ஆசைகள்
கூசாமல் பழி போட வைக்கும்
கனவென்றால் கோடிகள்தானா
பாவமறியா பச்சை குழந்தைகள்

**chinnakkannan** · 22nd April 2011, 10:46 PM

குழந்தைகள் குழந்தைகள் தான்
சுசித்ராவைக் கேளுங்கள்
வாழ்க்கையின் துடிப்புக்கு
சிசர்ஸ்
கம் நியர் ஃபார்ய க்ளோசப் ஸ்மைல்
ஆரோக்ய் வாழ்வைக்காத்திடும் லைஃப்பாய்
லைஃபாய் இருக்குமிடம் ஆரோக்கியம் இருக்குமிடம்
இளமை பூரிக்கும் மாலா
அவள் சிரிப்பிலோர் அலாதி அழகு
உபயோகிப்பது கோல்கேட்...
முதலில் வெறுத்தபடி..
பின்னர் ரசிக்க ஆரம்பித்த விளம்பரங்கள்..
இன்றைய விளம்பர உலகிலும்
பெரிய நட்சத்திரங்கள், தொழில் நுணுக்கம்
என வந்த போதிலும்
மறக்காததற்குக் காரணம்
அதன் தன்மையா என் சிறு வயதா..
தெரியவில்லை..