-
6th September 2011, 12:37 PM
#391
Senior Member
Platinum Hubber
வாங்கு கடனை
அனுபவி உலகை
சுகங்கள் எத்தனை
அனைத்தும் உனக்கே
போனால் வராது
வாழ்வது ஒருமுறை
இன்றே இப்போதே
சுவைத்து முடித்திடு
Eager to watch the trends of the world & to nurture in the youth who carry the future world on their shoulders a right sense of values.
-
6th September 2011 12:37 PM
# ADS
Circuit advertisement
-
7th September 2011, 09:56 PM
#392
Senior Member
Senior Hubber
முடித்திடு என்று
மிஸ் சொல்லியிருக்காளாம்
பள்ளியில் வந்ததிலிருந்து ஒரே அழுகை..
இருடி..அம்மா வேலை முடிச்சுட்டு வர்றேன்..
இல்லன்னா அப்பா வ்ருவார்..
அழுகை பலக்க
சரி கடங்காரி எனத் திட்டி
கத்த்ரிக்கோல் எடுத்து
மரக்கலர் அட்டைகளை
எல்லாப் புத்தகங்களும் போட்டுக் கொடுத்தால்
அதுவரை கொஞ்சம் அழுகையை அடக்கி
பாதி தோசையில் இருந்தவள்
கையை உதறி
இரும்மா கோடி தீபக்கப் பாத்துட்டு வர்றேன்
என ஓடியே போய் விட்டாள்..
நான் நல்லவளா பைத்தியமா என
என்னை நினைக்க வைத்து...
-
8th September 2011, 07:16 AM
#393
Senior Member
Platinum Hubber
வைத்து விட்டுப் போகலாம் அடையாளத்தை
நடந்த பாதையில் அழியாத ஒரு கால் தடத்தை
அரிய பெரிய சாதனைகள் செய்திட வேண்டாம்
அழகிய பாரம்பரியம் அழியாமல் காத்திடு போதும்
Eager to watch the trends of the world & to nurture in the youth who carry the future world on their shoulders a right sense of values.
-
8th September 2011, 10:29 AM
#394
Senior Member
Senior Hubber
போதும் தூக்கு தண்டனை
என்ற போராட்டம் போதும்
பொது மக்கள் உயிர்காக்க
போராட வேணும்
குண்டு வைத்து குடி கெடுக்கும்
கூட்டமே
உனக்கு
திறனிருந்தால்
திராணியிருந்தால்
தில்லிருந்தால்
அறியா ஜனத்தின் மேல்
வைக்கும் குண்டை
அரியணையில் உள்ளவர்கள் மேல்
வைத்துப்பார்
அப்போது தெரியும்
எம்
காவலர்களின் கண்டுபிடிப்பு திறனும்
புலன் விசாரணையில் புயல் வேகமும்
சாவது சாதாரணமானவன்
என்பதால் தான்
படை கொண்டு
பகை கொல்லாமல்
பாடைக்கு இங்கே
பாடுகிறார்கள் ஒப்பாரி.
-
8th September 2011, 12:40 PM
#395
Senior Member
Senior Hubber
ஒப்பாரின்னாலே ஒச்சாயிக் கெழவிதான்..
*
கடைகண்ணி போகையிலெ
கருணை வாங்க்றேன்னு
பொடிநடையாப் போனவரு
போனபாத ப்ரியலையே
மூக்குத்தி வாங்குதற்கு
முக்குக்கட போன மச்சான்
மேல போன மாயமென்ன
மோசம் நானும் போனதென்ன..
செட்டுசெட்டா வண்டி பூட்டி
செவப்பான நெறத்தோட
எனப் பாக்க வந்தவரே
எங்கேய்யா போனீக
*
எப்படி எப்படியோ இட்டுக்கட்டி பாட்டுச்சொல்லும்
ஒச்சாயிக் கெழ்வியுந்தான் ஒரு நாள் மேல போக
ஊர்மூச்சும் வந்த்தென்றால் அதுதானே இல்லீங்க
பாடிஅழுகையதை பக்குவமாச் சொன்னவளுக்கு
கூடிய கொஞ்சஜனம் த்ந்த்துவோ மெளனம் தான்...
*
-
8th September 2011, 07:23 PM
#396
Senior Member
Platinum Hubber
மௌனம் தான் வலிய தொடர்பு சாதனம்
விடிய விடிய பேசியது சந்தித்த புதிதில்
புரிதல் வளரும் வருடங்கள் பறக்கையில்
வார்த்தைகள் வீணாகும் அத்வைத நிலை
Eager to watch the trends of the world & to nurture in the youth who carry the future world on their shoulders a right sense of values.
-
9th September 2011, 08:20 PM
#397
Senior Member
Senior Hubber
நிலைக்கண்ணாடி
ஆண்களை அழகாக்க்
காட்டுவதே இல்லை..
சின்னப் பையன்களை
பவுடர் முகத்தில் ஜாஸ்தியாகவும்
பள்ளி மாணவ்ர்களுக்கு
தலை வாரிக் கொள்வதற்கும்
கல்லூரி மாணவர்கள்
கொஞ்சம்
ஆஃப்டர் ஷேவ் லோஷன் தெளித்து
முகத்தைப் பார்த்துக் கொள்வதற்கும்
வேலை செய்யும் ஆண்களுக்கு
டை கட்டுவதற்கும்
வயதான ஆண்களுக்கு
திருநீறோ நாம்மோ சரியாக இருக்கிற்தா
எனப் பர்ர்ப்பதற்கு மட்டுமே
இருப்பதால்
ஒரு வித விரக்தியில் நின்றிருக்கும்..
அதுவே
ஒரு சிறுமி, மங்கை, பேதை பேரிளம் பெண்
என்றால் குஷி ஆகிவிடும்..
என்னிடம் நிறைய நேரம் கழிப்பவர்கள்
இவர்கள் தானே..
இவர்தான் என் உண்மையான சினேகிதி எனப்
பெருமை கொள்ளும்..
இருப்பினும்
அவைகள் கொஞ்சம் கோழைத்தனமானவை தான்
கோபத்தில் யாராவது எறிந்தோ
கைதவறி கீழே விழுந்தாலோ
படக்கென உடைந்து விடும்..
சிதறிய போதும் சிரித்து
நம்மைப் பிரதிபலிக்கும்..
அலட்சியமாக சிதற்லைப் பொறுக்கினால்
அங்கே தான்
கோபத்தைக் காட்டி ரத்தம் வரவழைக்கும்..
மூட ஜென்ம்ம்..
இருந்தாலும்
மனித வாழ்வில்
மூச்சைப் போலவே
முக்கியமானது இது என
புரிந்தாலும்
அதற்கு எப்போதுமே
வந்த்தில்லை கர்வம்...
-
10th September 2011, 07:11 AM
#398
Senior Member
Platinum Hubber
கர்வம் ஓங்கி வளரத்தான் செய்யும்
வாரிசை தன் அச்சாய் காண்கையில்
நடை பாவனை ரசனை குணம் குறை
அத்தனையையும் அப்படியே பிரதிபலிக்கையில்-
விதை ஒன்று போட சுரை ஒன்று முளைக்காது-
சின்னஞ்சிறு கிளியை உச்சி முகராதோர் உண்டோ
Eager to watch the trends of the world & to nurture in the youth who carry the future world on their shoulders a right sense of values.
-
10th September 2011, 02:58 PM
#399
Senior Member
Senior Hubber
உச்சி முகராதார் உண்டோ
என்றால் இல்லை..
பார்த்த அம்மா அப்பா
எல்லாம் ஹை
எவ்வளவு முடி..
கொழுகொழுன்னு
அப்படியே அப்பனைப் போல இருக்கு
எனக் கொஞ்ச
என் அம்மா
ம்ம் மூக்கு இவள் தான் என
என் குழவியோ சின்னதாய் முகம் சுளிக்க..
பாரேன் இவளும்
சிறுவயதில் இப்படித்தான் என..
வந்த கணவன்
வழக்கம்போல ஆபீஸ் முகம் காட்டி..
சரி சரி எப்ப வீட்டுக்குப் போகலாமாம்..
மருத்துவச்செலவுக்கவலை அவனுக்கு..
இருந்தாலும் கொஞ்சம் பெருமிதம் முகத்தில்..
பக்கத்து வீட்டு மாமி
பெத்துப் பிழைச்சையேடி..
படவா.. படுத்திட்ட அம்மாவை
எனக் கொஞ்சி சின்னதாய்க் கிள்ளுகிறாள்..
ஊரிலிருந்து வந்த அக்கா
எங்க இவர் முன்னாலேயே
விடமாட்டேன் என்கிறார்
இல்லன்னா நேத்தே வந்துருப்பேன்..
பாரேன் சமத்தா தூங்கறான்..
உனக்கென்ன
நல்ல மாமியார் மாமனார்
வீட்டுக்குப் போயும் ரெஸ்ட்
எடுத்துப்ப தானே..
எனக்குத்தான் தீராது
மூத்தது இளையது பொறந்தப்போ
மூணாம் நாள்ளயே கிச்சன் போய்ட்டேன்..
வந்தவர்கள் பார்ப்பவர்கள்
சொல்வதை
காதில் வாங்காமலேயே
உறங்கிக்கொண்டிருக்கிறது
பரப் பிரம்மம்..
-
10th September 2011, 06:52 PM
#400
Senior Member
Platinum Hubber
பரப் பிரம்மம் போலிருடா பதி நீ
அவள் அடிக்கட்டுமே இடிக்கட்டுமே
தலையில் குட்டட்டுமே திட்டட்டுமே
பட்டினி போடட்டுமே பொங்கட்டுமே
சிறை வைக்கட்டுமே சீறட்டுமே
கல்லாய் மனிதன் ஆனபின்னே
நால்வகை படை தோற்றிடவே
பாவப்பட்ட நிலை தான் சதிக்கு
Eager to watch the trends of the world & to nurture in the youth who carry the future world on their shoulders a right sense of values.
Bookmarks