Printable View
Dear KP sir,Quote:
Originally Posted by kaatu_poochi
Thanks for your compliments and as i said, it is all becos of the motivation given by all of you and most importantly, Mr.Neyveliyaar, Mr.Raghavender, Mr.Gopal etc., am able to do it..
After all, it is this motivation, that keeps us moving ahead of everyone !
இனிய நண்பர் சவுரி சார்
கவுண்டமணி - வடிவேலு நகைச்சுவை காட்சிகளை நீங்கள் கண்டு ஆனந்தம் அடைந்திருப்பீர்கள் .அதே போல் சபாபதி - புலிகேசி வீடியோ பதிவும் அருமை . ரசித்தேன் .உங்களின் கடுமையான ஆராய்ச்சி தொடருக்கு வாழ்த்துக்கள் .
பல வண்ண எழுத்துக்களுடன் தூய தமிழில் ஆராதனையும் அர்ச்சனைகளும் கலந்து உங்கள் பக்தியினை நீங்கள் பொறுமையுடன் அதிக நேரம் செலவழித்து எல்லோருக்கும் புரியும் வண்ணம் பதிவிடுவது பாரட்டுக்குரியது .
Sowri Sir,
What a fantastic narration you have done . Sir, you are one among the top stars of our nadigarthilagam thread after Gopal Sir, Raghavendran Sir, Vasudevan Sir,evergreen pommalar sir we are very proud on reading your excellent write up
sory if already posted..
http://www.dailythanthi.com/cinema-o...de-24-29062013
Dear Sowri sir,Quote:
Originally Posted by NTthreesixty Degree
Excellent
சவுரி,
சமீபத்தில் திரி சுறுசுறுப்பாக இயங்குவதில் உன் பதிவுகளே பிரதானமாக உள்ளது . வாழ்த்துக்கள்.
.....
தொடர்கிறது ......Quote:
Originally Posted by NTthreesixty Degree
என் பூர்விகம் கேரளா ...தாய்மொழி மலையாளம் !
என்னை இந்த நிலையிலாவது தமிழை சுமாராக பேசவும் எழுதவும் படிக்கவும் ஊக்கப்படுத்தியது,உந்துதலாக இருந்ததும் (ஆம் ...தமிழை சுமாராவாவது பேசுகிறோமே எழுதுகிறோமே என்ற சிறிது கர்வம் எனக்கு உண்டு..இதை மறுப்பதற்கும் மறைப்பதற்கும் ஒன்றும் இல்லை. ) நடிகர் திலகமும் அவருடைய நடிப்பின் வீச்சும், திறனும் அழகும் ஒரே சேர கலந்த வசனம் பேசும் பாங்கும் என்பதை உணர்ந்துகொண்டதன் காரணம் !
நமக்கு பல விஷயங்களில் முன்னோடியாக, வாழும் முறையை கற்றுகொடுத்த பெரியவர்களை அவர்களின் அரும்பணிகளை நாம் மறக்காமல் நம்மால் முடிந்தவரை அவர்கள் புகழை குறைந்தது நம்முடைய அடுத்த தலைமுறையினருக்கு உரைத்திடல் வேண்டும். இல்லையேல், காலபோக்கில் அவர்களை பற்றிய உண்மைகளும், அவர்களுடைய தொண்டும், புகழும், ஆற்றிய அரும்பணிகள் யாரும் அறியாவண்ணம் இருக்கும்.
வெறும் ஒரு சிலையை, கல்வெட்டை பார்ப்பது போல தான் பார்பார்கள்.
அந்த பெரியவர்களின் மகத்துவங்களை, திரை மூலமாக அடித்தட்டு மக்கள் மீண்டும் நினைத்துபார்க்கும் வண்ணம் அவர்களிடத்தில் கொண்டு சென்ற பெருமை, அந்த திரைப்படத்தை தயாரிக்க வேண்டும் என்று முடிவெடுத்த தயாரிப்பாளரையும் சாரும்.
அந்த தயாரிப்பாளர், தன மனதில் இது போல ஆசை வளர்ந்தால் அதை திரைப்படமாகும் முயற்சியில் எப்போது ஈடுபடுவார்?
அந்த கதாபாத்திரதுக்கான, அந்த கதாபாத்திரத்தை மிக சிறந்த முறையில் கையாளக்கூடிய கை தேர்ந்த நடிகர் இருந்தால் மட்டுமே அந்த தயாரிப்பாளரின் கனவு நனவாகும்.
அதுமட்டும் அல்ல ! இவர் எந்த நடிகர் அதை செய்தால் நன்றாக இருக்கும் என்று நினைகிறாரோ, அந்த திரைப்படத்தை வாங்கி திரையிடும் விநியோகஸ்தர்கள், திரை அரங்கு முதலாளிகள் இவர்கள் அனைவரும் அந்த நடிகர் செய்தால் மிக சிறப்பாக இருக்கும் என்றும் ஒருமித்த கருத்து அவர் மூவருக்கும் இருக்கவேண்டும்...
அதைவிட முக்கியம் அந்த கதாபாத்திரத்தில் நடிக்க, அதை சிறப்பாக கையாண்டு மக்களிடத்தில் ஒரு தாக்கத்தை ஏற்படுத்த அந்த கதாநாயகனுக்கு தைரியமும், தன் திறமை மீதும் அபார நம்பிக்கை வேண்டும் !
அப்படி உள்ள ஒரு நடிகனால் மட்டுமே இதிகாச, சரித்திர, தெய்வாம்சம்கொண்ட கதாபாத்திரங்களை கையாள முடியும்....இதில் ஒன்று குறைந்தாலும், பலரின் ஏச்சுக்கும் பேச்சுக்கும் ஆளாகி அந்த கதாபாதிரதுக்கே பங்கம் ஏற்படும் !
அப்படி இந்த ராஜ ராஜ சோழன் வரலாற்றில் ஒரு சில விஷயங்களை திரைப்படமாக திரு. உமாபதி ஆனந்த் Pictures முடிவெடுத்தபோது அதுவும் அகன்ற திரையில் ஒரு மாபெரும் சோழ மன்னனை காண்பிக்க வேண்டும் என்று முடிவுசெய்தபோது ....தமிழ் திரை உலகில் பல திறமையாளர்கள் இருந்தாலும் , அவர்களுக்கெல்லாம் முன்னோடியாக விளங்கி வருகின்ற நடிகர் திலகம் சிவாஜி கணேசன் அவர்கள் சோழனாக சித்தரிக்கபட்டால், அது மிக சிறப்பாக அமையும் என்று ஏகோபித்த ஒப்புதலை விநியோகஸ்தர்கள், திரையிடும் திரை அரங்கு உரிமையாளர்கள் கொடுத்ததால் நடிகர் திலகம் ராஜ ராஜ சோழனாகவும், திரு.சிவகுமார் ராஜராஜன் மகன் ராஜேந்திர சோழனாகவும், திருமதி. லக்ஷ்மி அவர்கள் ராஜராஜன் மகள் குந்தவயாகவும், திரு.முத்துராமன் அவர்கள் சாளுக்ய விமலாதித்யனாகவும் நடிக்க வைக்க முடிவெடுத்து தமிழின் முதல் Cinemascope வண்ணப்படமாக ராஜ ராஜ சோழன் 1973இல் வெளிவந்தது.
ராஜராஜ சோழன் வரலாற்றில் நடிக்க ஏன் நடிகர் திலகம் ஒத்துகொண்டார் ? அதற்க்கு அவர் கூறும் காரணம் என்ன ?
"நாம் மக்களால் தான் அவர்கள் கொடுக்கும் பணத்தால் தான் உயர்ந்த ஒரு நிலையை அடையமுடிந்தது..ஆகவே அவர்களுக்கு அந்த நன்றியை செலுத்தவேண்டும் என்ற காரணத்தாலும், சமுதாயத்தில் நம்முடைய கடமை என்று உள்ளதாலும் , நம்மால் முடிந்தவரை தொண்டு செய்த நல்லவர்களையும் அறிஞர்கள் அவர்கள் உழைப்பு தியாகம் இவற்றை மக்கள் முன் கொண்டு செல்லவேண்டும் என்ற நோக்கத்தால் விளைந்தது - என்று குறிப்பிடுகிறார்".
இலங்கை வானொலியில் அப்துல் ஹமீது அவர்களுடன் உரையாடல் பதிவு இது..!
http://www.youtube.com/watch?v=Xi-dILr69Ww
http://www.youtube.com/watch?v=c8xZ1n3eLxI
நடிகர் திலகத்தால் நினைவுபடுத்தப்பட்ட பெரியவர்கள் வரிசையில் அடுத்து இடம்பெறுவது :
மாடுகட்டி போரடித்தால் மாளாது என்று யானை கட்டி போரடித்த சோழ நாட்டின் பெருமையை இவ்வையகம் உள்ளவரை நிலைத்திருக்க செய்த
ஏடு தந்தானடி தில்லையிலே....
http://www.youtube.com/watch?v=RZmazN1bPgQ
http://www.youtube.com/watch?v=7aDsRLCqxsA
ராஜ ராஜ சோழனை பற்றி அறிவதற்கு முன்னர் சோழர் பரம்பரையை பற்றி அறிதல் நலம் - உங்கள் அனைவர்காகவும் -
சோழர் பரம்பரையின் ஆட்சி மன்னன் விசயாலயன் 846 முதல் 871 வரையிலும்
அவருக்கு பிறகு அவரது மகன் ஆதித்யன் 871 முதல் 907 வரையிலும்,
பிறகு இவர் மகன் பராந்தகன் 907 முதல் 955 வரையிலும்,
பராந்தகனின் மூன்று மகன்கள் ராஜாதித்யன், கண்டராதித்த்யன், அரிஞ்சயன் மூவருமாக
பின்பு கண்டராதித்த்யன் மகன் மதுராந்தக உத்தம சோழன் , அரிஞ்சயன் மகன் சுந்தர சோழனும் 985 வரை ஆண்டனர்.
அதற்க்கு பிறகு சுந்தர சோழனின் இரு மகன்களான கரிகாலனும், பின்னர் ராஜ ராஜ சோழனும் (985-1016) ஆண்டார்கள்,
பின்னர் அவருடைய மகன் ராஜேந்திரன் 1012-1044 ராஜேந்திரன் 1 இக்கு பிறகு,
அவர் மகன்கள் ராஜாதிராஜன், ராஜேந்திரன் 2 , வீர ராஜேந்திரன் இவர்களில், ராஜேந்திரன் 2 மன்னராக ஆண்டார். அவர்க்கு ஆண் வாரிசு கிடையாது . மதுராந்தகி என்ற பெண் குழந்தை மட்டுமே... ஆகையால் வீர ராஜேந்திரனின் மகன் அதி ராஜேந்திரன் ஆண்டான். இவர்களில் கரிகாலன் சோழ மரபினர் என்றும் மற்றவர் இடைகால சோழர்கள் என்றும் அழைக்க பட்டனர்.
ராஜ ராஜ சோழனின் மகள் குந்தவை சாளுக்ய வம்சாவழி விமலாதித்யனை மணந்து அதன் மூலம் ராஜராஜன் நரேந்திரன் என்ற குழந்தையை ஈன்றெடுத்தாள்.
இவனும் சாளுக்ய வம்சவழியே. ராஜராஜன் நரேந்திரன் ராஜேந்திர சோழன்-1 மகள் அம்மன்கதேவியை மனமுடித்ததில் குலோத்துங்கன் -1 ஜனனம் .
குலோத்துங்கன் 1 வளர்ந்து ராஜேந்திரன் 2 மகள் மதுராந்தகியை மணமுடித்து அவர்களுக்கு நான்கு மகன்கள் பிறகின்றனர். அவர்கள் சாளுக்ய சோழர் என்று அழைக்கபடுகின்றனர்.
மேற்கூறியவை சுருக்கமாக சொன்ன சோழர் வழி, சாளுக்ய வழி, சோழ மரபு வம்சத்தின் தகவல்களாகும்.
பழங்கால ஏடுகளில் ராஜராஜசோழனை பற்றியுள்ள உவமை குறிப்புகள் :
ராஜராஜன் யானை மீது அமர்ந்து வரும்போது எதிரே கூட்டமாக கேசரி (சிங்கம்) வந்தாலும் ஒருகணம் திகைத்து, சிதறி நாலு பக்கம் தலை தெறிக்க ஓடும் என்று கூறுகிறது..!
அரசவையில் ராஜ ராஜன் வருகையில் நேர்கொண்ட பார்வை, நிமிர்ந்த நன்னடை, வலக்கரம் சென்கோலிலும் இடக்கரம் சிம்ஹாசனபிடியிலும் வைத்து கோரிக்கையை கேட்டு, தீர்ப்பு சொல்லும்பாங்கு இவை மாநிலத்து மக்களெல்லாம் இமைகொட்டமால் இறைவனை பக்தியுடன் காண்கின்ற பாங்கினை அரசவையில் தோற்றுவித்தன..!
பெரும் குற்றும் செய்தவன் கூட கொற்றவனின் பார்வை ஒருமுறை பார்க்கும் பாந்தத்தில் பனி போல நெஞ்சுருகி மனிப்பு கோருவான் ..
போர்க்களத்தில் ராஜராஜன் வாள் சுழலும் வேகம் சக்ராயுதம் போல பல திசையிலும் தலைகளை கொய்யும் பூஜ வலிமை கொண்டது என்றும் அகன்ற மார்பில் அந்த கவசம் அமர என்னபாக்கியம் செய்ததோ..என்றும் குறிபிட்டுள்ளது
இனி நமது நிலைக்கு வருவோம் -
ராஜராஜ சோழனை பற்றி வரலாற்றில் குறிப்பிட்டிருப்பதை போல நிமிர்ந்த நன்னடை, நேர்கொண்ட பார்வை, தந்தையின் கனிவு கொண்ட கண்கள், அதே நேரம் அரசவையில் கம்பீர தோற்றம், தவறு செய்பவர்களை பார்வையால் தண்டிக்கும் பாங்கு...இப்படி போகிறது ராஜராஜனை பற்றிய வர்ணனை.
தமிழ் ஆர்வம் பெருகிவரும் காட்டாற்று வெள்ளம் போல, வார்த்தை ஜாலங்கள் அர்ஜுனன் வில்லிலிருந்து விடுபட்ட அம்புகள் போல் ...திறமையில் முதன் முதல் திறமை..பலகுரலில் பேச பழகி தேர்ச்சிபெற்ற வேந்தன்...இப்படி சொல்லிகொண்டே போகலாம்...!
ராஜராஜனின் இவ்வளவு மிடுக்கும், ஆண்மையும், கம்பீரமும், தோற்றப்பொலிவும், பேசும் திறமும், ஒருங்கே பெற்ற ஒரு நடிகன் தமிழ் திரை உலகில் யார் என்ற கேள்வி எழும்போதெல்லாம் எந்த சந்தேகங்களுக்கும் இடம் கொடுக்காமல் அனைவரும் ஒருமித்த குரலில் தஞ்சை பெரியகோவிலிலுள்ள மணியின் " நங் " என்ற ரீங்காரமிடும் நாதம் போல உரைப்பது திரை உலக சித்தர் நடிகர் திலகம் சிவாஜி அவர்கள் தான் என்பதை வீடறியும், நாடறியும், தமிழர்கள் உள்ள புவி அறியும்...அதனுடன் நாமும் அறிவோம்..!
ஒரு மன்னனுக்குரிய அனைத்து லக்ஷணங்களும் ஒருங்கே பெற்ற நடிகர் திலகம்...தஞ்சை பெரியகோயில் நந்திக்கு, கோவில் கும்பாபிஷேக பூஜை செய்யவரும் காட்சியை பாருங்கள்....!
http://www.youtube.com/watch?feature...&v=5DhrsSQ-2aY
Dear Sowri Sir,
No words found to appriciate your writeup. You are one among the sidpurusar on writing on our acting god like super writers Gopal,Vasudevan,Raghavendran Sir.
Keep it up.
வெகு நாட்களுக்கு பிறகு மீண்டும் எழுவதில் மகிழ்ச்சி
விட்டு போன பா series இருந்து மறுபடியும் தொடங்கிறேன்
பொதுவாக நம்மவர் நடித்த படங்கள் திரை உலகுக்கு ஒரு inspiration அக இருந்து வந்தது , சொல்ல போனால் இருந்து கொண்டே இருக்கிறது
அப்படி பட்ட ஒரு படம் தான் இந்த படிக்காத மேதை
இந்த படத்தின் பாதிப்பில் இருந்து வந்த படங்களை சொன்னால் கிட்ட தட்ட ஒரு அரை டாசன் படங்கள் தேறும் அதில்
முக்கியமான படங்கள் என்றல் பெயர் சொல்லும் பிள்ளை , முத்து எங்கள் சொத்து , பொன்மனசெல்வன் etc
இந்த படத்தின் கதை ஒரு நல்ல குடும்பம் எப்படி இருக்க வேண்டும் ஒரு கூட்டு குடும்பம் எப்படி இருக்க வேண்டும் அதில் உள்ளவர்கள் எப்படி நடந்து கொள்ள வேண்டும் என்பதுக்கு ஒரு எடுத்துகாட்டு , இந்த மாதிரி ஒரு படத்தில் நடிக்க நம்மவரை விட்டால் வேறு யார் , அதுவும் நம்மவர் நிஜ வாழ்கையிலும் ஒரு மிக பெரிய கூட்டு குடும்பத்தின் தலைவர் அல்லவா
இந்த படத்தில் நம்மவர் ரோல் கோமாளிக்கும் , வெகுளிக்கும் இடையில் உள்ள ஒரு மெல்லிய வித்தியாசத்தை அழகாக நம்ம கண் முன்னே கொண்டு வந்து இருப்பார்
படம் titles போடும் பொழுதே இயக்குனர் படம் பார்க்கும் அனைவரையும் ஒரு கூட்டு குடும்பத்திற்கு உள்ளே கொண்டு சென்று விடுவார்
முதல் காட்சியில் மிக பெரிய கூட்டு குடும்பத்தின் தலைவர் ரங்கா ராவ்க்கு அறுபதம் கல்யாணம் என்ற மங்களகரமான சம்பவத்தில் இருந்து தொடங்கிறது
தொடர்ந்து அவர் தன் குடும்பத்தின் அங்கத்தினர் எல்லோரையும் அறிமுகபடுதுகிறார் , அதில் ரங்கன் (சிவாஜி) ஒரு பூசனிக்காயை வைத்து கொண்டு அறிமுகம் ஆகும் காட்சி இமேஜ் என்ற பிம்பத்தை உடைத்து விடுகிறது , அந்த ஒரு காட்சியில் மட்டும் இல்லை படம் முழுவதும் தான்.
இந்த படத்தில் நடிகர் திலகத்தின் முடி கூட நடித்து விடுகிறது . அவர் கர்லா கட்டை யை வைத்து கொண்டு மிகவும் அகண்ட மார்பை காட்டும் அழகு , எமனுக்கு எமன் படத்துக்கு ஒத்திகையாக இருக்குமோ , சிவாஜி கல்யாணத்துக்கு ஒத்து கொள்ளும் பொழுது , அவருக்கு அத்தை மேலே இருக்கும் நம்பிக்கை யை காட்டுகிறது .
கல்யாணம் ஆன பிறகும் கூட தன் மனைவி சௌகார்விடம், தன் மாமா , அத்தை பற்றி பேசுவதும் , அவர்களின் மீது தன் மனைவி யை விட கனிவாக இருக்கிறார் ,
ரங்கா ராவ் வின் நிலைமை மோசம் ஆன உடன் , மகன்களால் உதசின படுத்த படும் பொழுது , ரங்கன் மட்டும் அப்படியே இருக்கிறார்
எல்லோரும் NT வேலைக்கு சென்ற உடன் அவர் வாங்கி வரும் cigarette வங்கி வாரும் காட்சியை பற்றி சொல்வார்கள் , ஆனால் எனக்கு ரங்கா ராவ் NT யிடம் தனியாக பேச வேண்டும் , வெளியே போ என்று சொல்லும் பொழுது NT அதை ஒரு வித அர்த்தத்தில் எடுத்து கொள்ளும் இடம் என்னக்கு மிகவும் பிடித்த காட்சி . தன் தங்கையை வேண்டாம் என்று மறுத்த பையன் யை தெரியாமல் காப்பாத்துவதும், தெரிந்த உடன் விருட் என்று செல்வதும் , அதை வைத்தே பிரச்சனைகளை தீர்ப்பதும் அருமையான திரைகதை, இந்த படத்தில் NT உடை , சாதரண வேஷ்டி ,சட்டை தான் ,அதுவும் அந்த சட்டையும் மிகவும் லூஸ் ஆக இருக்கும் . இந்த படத்தை பற்றி சொல்லி கொண்டே போகலாம்
அதே போலே இந்த படத்தின் inspiration ல் எடுக்க பட்ட படங்களில் கதாநாயகன் வெளியே சென்ற உடன் பணக்காரன் ஆகி விடுவர் , ஆனால் இந்த படத்தில் அந்த மாதிரி cinematic liberties எதுவும் இல்லை , மாறாக நம்ம எல்லோர் வாழ்கையிலும் நடக்கும் விஷயம் போலே , மிகவும் இயல்பாக (நல்லவர்க்கு எல்லாம் நல்லதே நடக்கும் ) ரங்கன்
மொத்தத்தில் ரங்கன் இன்றும் நம் இடையே வாழ்ந்து கொண்டே இருக்கிறார்
Dear Sowri Sir,
Ur posts are very good
Dear NT sixty degree sir,
Your videos are fitting reply visually to all sections of people
ரோஜாவின் ராஜா -1976
வரட்சியான வருடத்தின் இறுதியில் வீசிய வசந்தம். சித்ரா பௌர்ணமி தந்த ஏமாற்றத்தில் மீள்வதற்கு ரசிகர்களுக்கு கிடைத்த விருந்து. நான் பொறியியல் முதலாண்டு மாணவனாய் First Semester exam முடிந்து விடுமுறை விட்ட பிறகும், இரு நாட்கள் சென்னையில் தங்கி முதல் நாள் மாலை காட்சி plaza கொட்டகையில் (சாந்திக்கும் ,தேவிக்கும் நடுவில் திருஷ்டி போல)படு ஆவலாய் போனேன் . என் favourite Pair (பொம்மையில் வேறு மார்பில் முகம் புதைக்கும் காட்சி) அப்படியே கனவில் மிதப்பது போல போனேன். என் அத்திம்பேர் தயவில், theatre மேனேஜர் எனக்கும் என் பத்து நண்பர்களுக்கும் முதல் வகுப்பு டிக்கெட் ஒதுக்கி இருந்தார். அதனால் சரியாக 6.30 மணிக்கு சென்று டிக்கெட் லபக்கி போனோம்.
மூன்று நண்பர்கள் சிறிதே மதில் மேல் பூனை .ஆரம்ப காலேஜ் காட்சிகளில் (என்ன செய்வது. எல்லா படத்திலும் என்ன பாத்திரமானாலும் கோட் போட்டு வந்தால் ???)படுத்தி விட்டனர். என்னாலும் சமாதானம் சொல்ல முடியாமல் படத்தை பார்க்க விடுங்கடா என்று எரிந்து விழுந்தேன். இறுதி வருட பொறியியல் மாணவர்கள் T Square தூக்க அவசியமே இல்லை.
சாம்ராட் அசோகன் நாடகம், சிவாஜி-வாணிஸ்ரீ சம்பந்த பட்ட இரண்டு Duets (ரோஜாவின் ராஜா,அலங்காரம் கலையாத), சினிமா கொட்டகை காட்சி(ஏன் சார் நீங்க சாக்லேட் சாப்பிடுவீங்க இல்லை), அதை சிவாஜி,வாணிஸ்ரீ தனக்குதானே அசைபோட்டு பேசி சிரிப்பது, சந்திக்க முயன்று பிறரால் இடைஞ்சல் வரும் காட்சி, சிவாஜி-வாணிஸ்ரீ பேசி சிரிக்கும் romance காட்சி என்று காதல் காட்சிகள் இந்த magic pair chemistry யால் அவ்வளவு நன்றாக வரும்.நண்பர்களும் மிக ரசித்தனர்.
தன்னை தேற்றி கொள்ள முயன்று முடியாமல் உடையும் காட்சிகள், சித்தபிரமை ஆரம்ப காட்சிகள்,சம்பந்தமில்லாமல் hostel சென்று ஸ்ரீகாந்த் துக்கு திருநீறு பூசுவது என்று சிவாஜி அசத்துவார்.ஆனால் மனோகர் வில்லத்தனம் ரெண்டும் கெட்டானாய் , speedbreaker போல படத்தை தடுமாற வைத்து சுவாரஸ்யம் குறைக்கும்.
வீரப்பன் (நகைச்சுவை track புகழ்)கதை, சுந்தரம் வசனம், விஜயன் இயக்கம் எல்லாமே இன்னும் மெருகேற்ற பட்டிருக்குமானால் படத்தின் range எங்கோ போயிருக்கும் .புரட்சிதாசன்-விஸ்வநாதன் இணைவில் இரு பாடல்கள் நன்றாய் வந்தது.
நீண்ட நாட்கள் தயாரிப்பில் இருந்து, ஓரளவு அகாலமாக வந்தாலும் ,அடுத்த மாதமே வந்து சிவாஜியின் மிக பெரும் பின்னாள் வெற்றி அத்தியாயங்களுக்கு முன்னுரை எழுதிய தீபம் படத்திற்கு கட்டியம் கூறுவது போல 1976 இல் உத்தமனுக்கு அடுத்து வெற்றியடைந்த படம்.
டியர் ராகுல்
படிக்காத மேதை நடிகர் திலகத்தின் படங்கள் அந்தப் பெயருக்கு அவரை மிகவும் பொருத்தமாக ஆக்கி விடும் என்பதை சுட்டிக் காட்டும் விதமாக அந்தப் பெயரை வைத்து அவரை மிக உயர்ந்த இடத்திற்குக் கொண்டு சென்ற அந்த படத்தைப் பற்றிய தங்கள் கருத்துரை அபாரம். தாங்கள் கூறிய காட்சி பெரும்பாலான ரசிகர்களின் விருப்பமான காட்சியாகும். தொடருங்கள்
டியர் கோபால் சார்
தாங்கள் கூறிய அதே முதல் நாள் மாலைக் காட்சி முதல் வகுப்பில் தான் நானும் பார்த்தேன்.
தாங்கள் கூறிய முதல் வகுப்பு மாணவன், கடைசி வகுப்பு மாணவன் என்பதையெல்லாம் யார் சார் பார்த்தார்கள்.. அந்தத் திரையில் நாளை நீ மன்னவன் என்று நம்மையெல்லாம் புலமைப் பித்தன் வரிகள் மூலமாக நடிகர் திலகம் உரைத்ததையல்லவா மெய்ம் மறந்து பார்த்தும் கேட்டும் அமர்ந்திருந்தோம். பிளாசா தியேட்டரில் மாலைக் காட்சி பார்ப்பது தனி சுகம். ஆனால் முதல் வகுப்பில் அல்ல. கீழே மத்திய வகுப்பில். நான்கு பக்கங்களிலிருந்தும் காற்று நம்மை இதமாக வருடியபடியே செல்ல ரோஜாவின் ராஜா பாடலை அந்த அரங்கில் கேட்டுக் கொண்டே நடிகர் திலகத்தின் ஸ்டைலை ரசித்துக் கொண்டே படம் பார்த்த அனுபவம் எங்கே சார் ஏசி தியேட்டரில் கிடைக்கும். அதுவும் அந்த சாம்ராட் அசோகன் காட்சியில் ரசிகர்களின் ஆரவாரம் அடங்க வெகு நேரமாகும். அடையார் ஆலமரத்தின் பின்னணியில் நடிகர் திலகமும் வாணிஸ்ரீயும் அமர்ந்து வசனம் பேசும் காட்சி.... பசுமையாக நினைவில் இருக்கும். அலுவல் இருந்ததால் அந்தக் காட்சியின் படப்பிடிப்பிற்குச் செல்ல முடியவில்லை. ஆனால் அந்த ஷூட்டிங் பார்த்து விட்டு வந்த நண்பர்கள் வர்ணித்ததெல்லாம் ... அந்த காஸ்ட்யூமைத் தான்... அந்தப் பூப்போட்ட சட்டை ... அட்டகாசம்...
மீண்டும் வாசு சாரின் தயவு தேவைப் படுகிறது... சார் ஆடைகளுக்கென்றே பிறந்த ஆணழகன் தொடருக்கு ஏகப் பட்ட படங்கள் க்யூவில் நிற்கின்றன.. சீக்கிரம் சார்...
அது வரை ஞான தீபம் நாம் ஏற்றுவோம் நல்ல பாதை நாம் காட்டுவோம் என தலைவர் கூறுவதைக் கேட்போமா...
http://youtu.be/9DYca1SmrN0
பி.கு. பிளாசா தியேட்டர் சாந்தி, தேவி திரையரங்குகளைத் தாண்டி.... இரண்டிற்கும் நடுவில் அல்ல...
பிரபல போர்பஸ் பத்திரிகை, ஜூன் மாதம் " நூறு வருட இந்திய சினிமாவின் 25 தலைசிறந்த நடிப்பு என்று ஒரு பட்டியல் வெளியிட்டுள்ளது, அதில் நமது நடிகர் திலகம் அவர்களின் பராசக்தி நடிப்பை தேர்ந்தெடுத்துள்ளது. அவர்கள் இன்னும் சரியான முறையில் தேர்ந்தேடுப்பராயின் 25இல் பாதிக்கு மேல் நடிகர் திலகத்தின் நடிப்புதான் இடம்பெற்றிருக்கும் என்பதில் ஐயமில்லை. !
Sivaji Ganesan
in Parasakthi (Supreme Energy/Goddess), 1952
In his cinematic debut, Sivaji Ganesan (1928-2001) plays a man from Burma who visits his hometown in India to attend his sister’s wedding, only to become a victim of frauds and crooks, losing everything except his sense of justice. This plays out in a court scene towards the climax. The scene is a heady mix of sober photography, hard hitting dialogues (written by M Karunanidhi, Tamil Nadu’s former chief minister), and a passionate performance by Sivaji. His acting evolved over the years, but the core elements that defined him—he could speak a thousand words with a mere gesture, and could mesmerise audiences, like Morgan Freeman, by reading out a telephone directory—were all there.
Read more: http://forbesindia.com/article/100-y...#ixzz2YM9B2tfP
http://forbesindia.com/article/100-y...cinema/35125/0
BEST OF MORGAN FREEMAN
http://www.youtube.com/watch?v=TdLwXYCt0fY
சவாலே சமாளி
நேற்று காலையில் கொஞ்சம் மேலோ டிராமா படம் பார்த்த உடன் ஒரு கலர் சிவாஜி படம் பார்க்க வேண்டும் என்பது ஒரு ஆசை . எங்க அம்மா வேறு சவாலே சமாளி படத்தின் ரசிகை .
சரியாக 1.00 மணிக்கு படம் ஆரம்பித்தது . பிரிண்ட் டாப் கிளாஸ் உபயம் ராஜ் வீடியோ விஷன் . இந்த படம் நல்ல ஒரு கிராமிய படம் படம் ஆரம்பித்த உடன் வரும் டைட்டில் சாங் அதை படும் MSV சார் ன் குரலும் நம்மளை அந்த கதை நடக்கும் புலியான்சேரிக்கு அழைத்து சென்று விடும்.
கதை என்று பார்த்தல் ஏற்கனவே நாம் பார்த்த பட்டிக்காடா பட்டணமா படத்தின் சாயல் உள்ள கதை தான் Rich Vs Poor
இந்த படத்தின் costumes யை பார்த்த பிறகு வாசு சார்க்கு செம வேலை காத்து இருக்கிறது என்பது மட்டும் உறுதி .
இந்த படத்தில் நம்மவர் கொஞ்சம் ஒல்லியாக ரொம்ப அழகாக இருக்கிறார் . அவரின் அழகை மெருகு ஏத்துவது போலே வெறும் லைட் plain shirts (ப்ளூ, பிரவுன் ) ஒரே ஒரு காட்சியில் மட்டும் stripped ஷர்ட். அனால் அவர் தேர்தலில் நிக்க என்னும் பொழுது அவர் கழுத்தை சுற்றி இருக்கும் ரெட் scarf , அவர் மனைவியை வேலை செய்ய சொல்லும் பொழுதும் இருக்கிறது (புரட்சிக்கு symbolic representation )
படம் முழுவதும் சிவாஜி ஒரு rebel போலே உலா வருகிறார். அறிமுக காட்சியில் அவர் எடுத்து வைக்கும் வாதமும் (அவர் அணிந்து இருக்கும் sea ப்ளூ புல் shirt , அதை ஸ்டைல் அக மடக்கி விட்டு இருப்பதும் பாங்கு) படம் முழுவதும் வரும் VS ராகவன் சிவாஜி சண்டை தந்தைக்கும் , மகன்க்கும் இடையில் நடக்கும் வாகுவாதம் படத்தின் உயிர்நாடி .
JJ வின் பாத்திரம் திமிர் பிடித்த பணக்காரி பாத்திரம் , இந்த படத்தில் அவர் உடைகள் அபாரம குறிப்பாக stockings மற்றும் frock .
சிவாஜி JJ confrontation scenes டாப் . குறிப்பக JJ கிணத்தில் குதிக்க இருக்கும் பொழுது சிவாஜி அவரை காபாத்தி அவர் தன் மனதில் இருப்பதாய் கொட்டும் இடம் நடிப்பின் உச்சம் அதுவும் அவர் சிரிக்கும் சிறுப்பு ஒரு majestic laughter (பார்த்தாயா நான் உன்னை காபாத்தி விட்டேன் என்பதை போல ) கையை தூக்கி பேசுவதும் சிவாஜி சார் trademark . கிளைமாக்ஸ் காட்சியில் அவர் பேசாமல் இருந்து JJ , VS ராகவன் , முத்துராமன் போன்ற நடிகர்களை ஸ்கோர் செய்ய விடுகிறார் சிவாஜியின் magnanimityக்கு, தன் மேல் உள்ள நம்பிக்கைக்கு ஒரு எடுத்துகாட்டு .
இந்த படத்தின் 2ண்ட் ஹீரோ நாகேஷ் , காமெடி வில்லன் ,சின்ன பண்ணை நம்பியார் கூட அவர் பேசும் முடியும் முடியாது வசனம் superb , டக் பகவதியை தூண்டி விட்டு சிவாஜியை ஜெய்க்க வைக்கும் இடம் , சிவாஜி வீட்டின் பிரச்சனைகளை தீர்த்து வைப்பதும் நாரதர் வேலை .
பாடல்கள் இன்று அளவும் தேன். கடைசியில் சிவாஜி JJ தங்கள் குரலில் பாடுவது இனிமையிலும் இனிமை
மொத்தத்தில் 150th படம் என்று ஒரு வித பிரமாண்டம் , ஆடம்பரம் எதுவும் இல்லாமல் நாயகனை வெறும் வேஷ்டி , சட்டையில் நடமாட செய்து மல்லியம் ராஜகோபால் கலக்கி இருக்கார்
நம் நடிகர் திலகத்தின் தலையெழுத்தே அதுதானே..!Quote:
Originally Posted by Gopal,S.
மற்ற நடிகர்கள் ஒரே மாதிரி எல்லா படத்திலும் நடித்தால் அதற்க்கு ஒன்றும் சொல்ல வாய் வராது எவருக்கும்..அதை போல் ஒரு நாயகன் நூறு பேரை அடித்துவீழ்தினால் எதுவும் சொல்ல வாய் வராது. ஆனால் நடிகர் திலகம் ஒரு கொட்டவிவிட்டால் கூட பறந்து வந்து குற்றம் சொல்ல மட்டும் வந்துவிடுவார்கள் இந்த மடைமை உலகிலே. !
இன்று பல கல்லூரிகளில் மாணவர்கள், jogging tracks , ஜீன்ஸ் , 3/4 th பாண்ட்ஸ் கூட போட்டுகொண்டு வருகிறார்கள். இப்போது நாகரீகம் என்ற பெயரில் ஒத்துகொள்வீர்கள் அனால் அன்றைய காலகட்டத்தில் நடிகர் திலகம் கோட் போட்டு வந்தால் தவறா? என்ன ஞாயமா இது ?
திரு ரமேஷ் அவர்களுக்கு,Quote:
Originally Posted by Ramesh Satyanarayanan
பாராட்டிற்கு மிக்க நன்றி.
இப்போது நம்முடைய ராகுல்ராம் அவர்களும் தம்முடைய பங்களிப்பை தொடர்ந்திருக்கிறார் பாருங்கள். அதை படித்தால் திரைப்படத்தை பார்த்த ஒரு திருப்தி ஏற்படும்..!
Dear Ragulram sir,Quote:
Originally Posted by ragulram11
Thanks for your appreciation and motivation.
I am also returning the same to your FLASHBACK SERIES....It reminds me of the film once again !
Regards
Sowri&NT360d
http://youtu.be/9DYca1SmrN0
இந்த "நாளை நீ மன்னவன்" பாடலின் தனி சிறப்பு என்னவென்றால் , முக்கால் வாசி நடிகர் திலகத்தின் shots "MIDFRAME " முறையில் படமாக்கி இருப்பார்கள். நடிகர் திலகம் அவர்கள் midframe காட்சிகளில் ஒரு CHAMPION என்பது அனைவரும் அறிந்ததே..! .
திரைப்படம் எப்போது வேண்டுமானாலும் எந்த திரைஅரங்கில் வேண்டுமென்றாலும் போட்டுகொள்ளலாம். ஆனால் நாடகம் ? அதுவும் சரித்திர புகழ் வாய்ந்த வீரர்கள் நாடகம் ?
இன்றளவும் கூட நடிகர் திலகத்தின் வீரபாண்டிய கட்டபொம்மன் ஏதாவது ஒரு இடத்தில் நாடகமாக அரங்கேறிக்கொண்டுதான் இருக்கிறது ! நடிகர் திலகத்தின் வசனம்தான் இன்றளவும் அவர்களுக்கு உதவியாக இருக்கிறது.
சென்ற ஆண்டு (2012)திருவனந்தபுரத்தில் ஆகஸ்ட் 15 நம் சுதந்திர தின விழா முன்னிட்டு ஸ்ரீபத்மம் கல்யாண மண்டபத்தில் நம்முடைய வீரபாண்டிய கட்டபொம்மன் நாடகமாக அரங்கேறிய காட்சி உங்கள் அனைவரின் பார்வைக்கும் !!
கேரளா மக்கள் நினைத்திருந்தால் அவர்கள் நாட்டு மன்னர் வீர கேரள சிம்ஹம் பழசி ராஜா அவர்களுடைய வரலாற்றிலிரிந்து ஒரு காட்சியை நாடகமாக போட்டிருக்கலாம். ஆனால் அவர்கள் நம் பெருமை அறிந்தவர்கள், நம் பெருமையின் அருமை அறிந்தவர்கள். ஆகையால்தான் அவர்கள் நடிகர் திலகம் நடித்த வீரபாண்டிய கட்டபொம்மனை தேர்ந்தெடுத்தார்கள். !
ஒரே ஒரு வருத்தம் ! கேரளா மக்களுக்கு இருக்கும் தமிழ் உணர்வு கூட நம் தமிழக ஆள்காட்டிகள் பலர்க்கு இல்லையே !
தமிழ் மண்ணே....இந்த இழிவு உனக்கா..இவர்க்கா !!
http://www.youtube.com/watch?v=5OixIYzX1j0
தூத்துக்குடியில் நம் நடிக மாமன்னனின் BLOCKBUSTER திரைப்படம் "எங்கள் தங்கராஜா" பட்டையை கிளப்பிகொன்டிரிக்கிரதேன்று செய்தி வந்துள்ளது. திரி நண்பர்கள் உறுதிபடுத்த வேண்டுகிறேன் !
ஸ்டைல் சண்டைகாட்சி ...ஸ்டைல் சண்டைகாட்சி ...என்று சொல்கிறார்களே....
இந்த ஸ்டைல் சண்டைகாட்சிக்கு நிகர் உண்டா?
BACK PROJECTION முறையில் பைக் காட்சி வந்தாலும்..அது முடிந்தபினர்...அந்த பிச்சுவா கத்தியை டேபிள் மேல் வீசும் அந்த பாங்கு...அந்த நாற்காலியை காலால் ஸ்டைல் ஆக ராமதாஸ் அருகில் தள்ளிவிடுவது...பின்பு அதை திருப்பி வைத்து உட்கார்வது .....இப்படி பல ஸ்டைல் செய்திருப்பார் நம் ஸ்டைல் சக்ரவர்த்தி...திரி நண்பர்களின் பார்வைக்கு....ஒளி ஒலி காட்சி உபயம் - திரு நெய்வேலியார்...!
http://www.youtube.com/watch?v=Ogv_5o3Ejw8
அதே போல சென்றவாரம் நம் நடிக மாமன்னனின் உத்தமன் வெளியாகி வசூல் சாதனை புரிந்த தகவலும் வந்துள்ளது..! நண்பர்கள் செய்தியை உறுதிபடுத்த வேண்டுகிறேன் !
http://www.youtube.com/watch?v=pBncQ4Axkp0
சற்று நேரத்திற்கு முன்புதான் அலைபேசியில் நண்பர் சுப்பு அவர்களிடம் உத்தமன் மற்றும் எங்கள் தங்க ராஜா தூத்துக்குடியில் ஓடியது/ ஓடுவது பற்றியும் குறிப்பிட்டேன். உடனே முந்திக் கொண்டு பதிந்து விட்டார். நன்றி சுப்பு.
ஆம்.தூத்துக்குடி மதுரை ரோட்டில் நகருக்கு வெளியே அமைந்துள்ள semi permanent அரங்கமான சத்யா என்ற திரையரங்கில்தான் சென்ற வாரம் உத்தமன் திரையிடப்பட்டு வெற்றிகரமாக ஓடியிருக்கிறது இந்த வாரம் வெள்ளி முதல் எங்கள் தங்க ராஜா திரையிடப்பட்டு வெற்றிகரமாக ஓடிக் கொண்டிருக்கிறது.
சென்ற ஞாயிறன்று உத்தமன் மாலைக் காட்சிக்கு சுமார் 300 பேர் வந்திருந்தார்கள் என்றால் இன்று மாலை எங்கள் தங்க ராஜா படம் காண 400 பேர் வந்திருந்தார்களாம். அண்மைக் காலத்தில் இது போன்ற கூட்டம் வரவில்லை என்று படம் காண சென்றிருந்த நண்பரிடம் தியேட்டர் ஆட்கள் குறிப்பிட்டார்களாம்.
மேலும் பழைய நாட்களில் (அதாவது 70,80 களில்) இந்த திரையரங்கில் இது போன்ற படங்கள் திரையிடப்படும் போது எப்பேர்ப்பட்ட வரவேற்பு இருந்ததோ அது இப்போதும் சற்றும் குறைவின்றி இருப்பதாக தியேட்டர் ஆட்கள் சொன்னார்களாம் அவர்கள் சொன்னதின் அர்த்தம் என்னவென்றால் அன்றைய நாட்களில் நடிகர் திலகத்தின் ஒரு படம் இது போன்ற அரங்கில் திரையிடும் போது எத்தனை நாட்கள் ஓடுமோ அது போன்றே இப்போதும் அதே நாட்கள் ஓடுகின்றது என்கிறார்கள்
தமிழகத்தின் தென் திசையில் இப்படி என்றால் தமிழகத்தின் மய்யப் பகுதியான திருச்சி மாநகரத்தில் இரண்டு மூன்று வாரங்களுக்கு முன்பு கெயிட்டி திரையரங்கில் ஊட்டி வரை உறவு வெற்றிகரமாக ஓடியிருக்கிறது. அதற்கு அடுத்த வாரம் மகாராணி திரையரங்கில் வசந்த மாளிகை வெளியாகி வெற்றி நடை போட்டதாம்.
ஆக எந்த ஊர் எந்த திரையரங்கானாலும் எந்த காலக் கட்டத்திலும் நடிகர் திலகத்தின் படங்கள் வெளியானால் அவை விநியோகஸ்தருக்கு அரங்க உரிமையாளருக்கு சந்தோஷத்தையும் லாபத்தையும் ஈட்டி தரும் என்பதற்கு இவை சில சான்றுகள் மட்டுமே!
அன்புடன்
முரளி,
தகவலுக்கு நன்றி. எங்கள் தங்க ராஜா என்றுமே தங்கத்தை வாரும் . நடிகர்திலகத்தின் அந்த ஸ்டைல் ,energy , Swiftness , unpredictable Execution .....அப்பப்பா ...பிரமாதம். கிட்டத்தட்ட அந்நியன் படத்தின் split personality concept கொண்டது. படத்தில் விவரிக்க படா விட்டாலும்.
கோபால்,
ரோஜாவின் ராஜாவிற்கு ஒரு பாராதானா? இன்னும் எழுதியிருக்கலாமே! ஒரு சில விஷயங்களை தொடாமலேயே போய் விட்டீர்களே!
அலங்காரம் கலையாத சிலை ஒன்று கண்டேன் பாடல் பற்றி காட்சி பற்றி சொல்லலாம். படம் 1972 -73 காலகட்டத்தில் ஆரம்பிக்கப்பட்டு அப்போதே இந்த பாடல்கள் எல்லாம் பிரபலமாகி விட்டன. காப்பி -கானடா ராக கலவையில் அமைக்கப்பட்ட பாடலான அலங்காரம் (correct தானே?) இலங்கை வானொலியையும் விவித் பாரதியையும் தத்தெடுத்துக் கொண்டது. பாடல் வரிகளில் கவியரசர் விளையாடியிருப்பார். ஆனால் சற்றே இலக்கிய தரமாக அமைந்த வரிகள்!
கொத்தோடு பூ தந்த பன்னீர் மரம்
பொன்மாலை பெண்ணிற்கு மஞ்சம் தரும்
நீரோடு விளையாடி போகின்ற தென்றல்
நீ கொஞ்சம் விளையாட நெஞ்சம் தரும்!
அது போல் இரண்டாவது சரணத்தில்
எங்கேனும் பூபந்தல் மேளங்களோடு
கல்யாண தமிழ் பாடி நடமாடுவோம்.
என்று எழுதியிருப்பார். படம் வெளிவந்த பிறகு அன்றைய நாட்களில் தினமணி கதிர் வார இதழில் கண்ணதாசன் கேள்வி பதில் வந்துக் கொண்டிருந்த நேரம். அப்போது ஒரு வாசகர் இந்த வரியை குறிப்பிட்டு பொதுவாக கல்யாணங்களில் வடமொழிதானே பயன்படுத்தப்படும். நீங்கள் கல்யாண தமிழ் என்று எழுதியிருக்கிறீர்களே அதற்கு என்ன பொருள் என்று கேட்க கவியரசர் அதற்கு பதில் அளித்திருந்தார்.
அது போன்றே மறக்க முடியாத பாடல் ஜனகனின் மகளை மணமகளாக ராமன் நினைத்திருந்தான். அந்த காட்சியும் மிக நன்றாக வந்திருக்கும். தன காதலிதான் உயிர் நண்பனுக்கு பார்த்திருக்கும் பெண் என்று தெரிந்தவுடன் நடிகர் திலகம் அதை வெளிப்படுத்தும் பாங்கு இருக்கிறதே! அது அற்புதம். வாணிஸ்ரீயும் தன் பங்கை நிறைவாக செய்திருப்பார். கவியரசர் இந்தப் பாடலிலும் புகுந்து விளையாடியிருப்பார். சூழ்நிலைக்கு தகுந்தவாறு ராமாயண காவியத்திலிருந்து மேற்கோள் எடுத்து அழகாய் பயன்படுத்தியிருப்பார்.
மணிமுத்து மாணிக்க மாடத்திலிருந்து ஜானகி பார்த்திருந்தாள்
அவள் மைவிழி சிவக்க மலரடி கொதிக்க ராமனை தேடி நின்றாள்
என்ற வரியில் ஆரம்பித்து சரணத்தின் இறுதியில்
அவள் கூந்தலில் இருந்த மலரும் ஜானகி நிலைமைக்கு உருகியதே
என்று முடிப்பார்.
அதே போன்று
மன்னவரெல்லாம் சுயம்வரம் நாடி மண்டபம் வந்து விட்டார்
ஒரு மன்னவன் யாரோ வில்லை எடுத்தான்
ஜானகி கலங்கி விட்டாள்
ஜானகி கல-- ங்கி விட்டாள்
என்று சற்றே விம்மிய குரலில் பாட [நமது இசையரசி சுசீலாவை விட இனிமையான குரல் வேறு எதாவது இருக்கிறதா என்ன?] மேஜர் முறைக்க, சுகுமாரி தோளில் கை வைக்க உடனே சுதாரித்துக் கொண்டு வாணிஸ்ரீ பல்லவியை பாடி முடித்து விட்டு மாடிக்கு எழுந்து போகும் காட்சி! பாடல் முழுவதும் நடிகர் திலகம் கண்களாலே உணர்வுகளை, அதாவது ஒரு புறம் உயிராக காதலித்த பெண், மற்றொரு புறம் வாழ்வளித்த நண்பன் என்ற அந்த இரண்டு தவிப்புகளையும் கண்களிலேயே உணர்த்திய காட்சியும் கூட அல்லவா அது!
அந்தக் காட்சிக்கு முன்னால் பெண் பார்க்க வந்திருக்கிறார்கள் என்று சொல்லும் சுகுமாரியிடம் நீ போய் டிரஸ் பண்ணிக் கொண்டு உட்கார் என்று கத்தும் இடத்திலும் தியேட்டரில் நடந்தை வீட்டில் தனிமையில் உட்கார்ந்து மிமிக்ரி பண்ணுமிடத்திலும் [சார், நீங்க சிக்லெட் சாப்பிடறீங்களா] வாணிஸ்ரீ கிளப்பியிருப்பார்.
தியேட்டர் சிக்லெட் காட்சி அமர்களமாக இளமை குறும்போடு அமைக்கப்பட்டிருக்கும். வீரராகவன் படம் முடிந்து படியிறங்கும் நடிகர் திலகத்திடம் சொல்லும் என் வயசு என்ன தெரியுமா என்று கேட்டு இப்படி சிக்லெட் கொடுத்து கொடுத்துதான் இப்படி ஆகி விட்டது என்று வழுக்கையை தடவி காட்டும் காட்சிக்கு தியேட்டரில் செம response இருக்கும்.
நடிகர் திலகத்தைப் பற்றி சொல்லவே வேண்டாம். அதிலும் காதல் தோல்வியினால் மன நிலை பாதிக்கப்பட்டு அதன் பிறகு ஏற்படும் தாயின் மரணம். அந்தக் காட்சியில் தரையில் விழுந்து கிடக்கும் தாயைப் பார்த்து அடடே போயிட்டியா செத்து போயிட்டியா என்று கேட்கும் காட்சி எல்லாம் பிய்த்து உதறியிருப்பார்.
இந்த காட்சியைப் பற்றி சொல்லும்போது இது படமாக்கப்பட்ட நேரம் நினைவிற்கு வருகிறது. இந்தக் காட்சி 1973 ஜூன் மாதம் இறுதியில் படமாக்கப்பட்டது. அன்றைய நாட்களில் நவசக்தி நாளிதழில் ஞாயிறன்று சினிமா செய்திகள் இடம் பெறும். அந்த வாரம் வெளி வந்த நவசக்தி சினிமா பக்கத்தில் அழாமலே அழ வைத்த சிவாஜி என்ற தலைப்பில் இந்தக் காட்சியைப் பற்றி விவரித்து அது படமாக்கப்பட்ட போது அன்றைய தினம் செட்டில் இருந்தவர்கள் எப்படி கண் கலங்கினார்கள் என்பதை எழுதியிருந்தார்கள்.
அதற்கு அடுத்த சனிக்கிழமைதான் ஜூலை 14. அன்று நியூசினிமாவில் எங்கள் தங்க ராஜா ஓபனிங் ஷோ பார்ப்பதற்காக டிக்கெட்டை கையில் வைத்துக் கொண்டு தியேட்டருக்கு வெளியே நிற்கும் போது என்னுடன் வந்த என் கஸின் நண்பர்கள் மற்றும் சக ரசிகர்களிடம் இதைப் பற்றி கூற அவர்கள் சரியான் தகவலை சொல்லும்படி சொல்ல என் கஸின் என்னை சொல்ல சொன்னதும் நான் படித்தவற்றை அபப்டியே சொன்னதும் அது அப்படியே பரவி தியேட்டருக்கு உள்ளே போய் ஸீட்டில் உட்கார்ந்த பிறகும் படம் ஆரம்பிக்கும் வரை அதை ஒவ்வொருவருக்கும் பல முறை திருப்பி திருப்பி சொன்னதும் அதை கேட்டு விட்டு படத்தை பற்றிய எதிர்பார்ப்பில் பலரும் சந்தோஷப்பட்டது இப்போதும் பசுமரத்தாணியாக நினைவில் இருக்கிறது.
மருத்துவமனையில் சிகிச்சை பெற்று வரும் நடிகர் திலகத்தை பார்க்க ஜோடியாக செல்லும் AVM ராஜன் வாணிஸ்ரீ நடிகர் திலகத்தை மட்டுமல்ல பார்வையாளர்களையும் சற்றே குழப்புவார்கள்.[இந்த உத்தியை பல வருடம் கழித்து Sp.முத்துராமன் புதுக் கவிதை படத்தில் ரஜினி சரிதா ஜோடியை வைத்து செய்திருப்பார்]. இந்த மருத்துவமனை காட்சியில் ஜனகனின் மகளை பாடல் slowவாக ஒலிக்க நடிகர் திலகம் சிவப்பு மையில் கோணல் மாணலாக பேப்பரில் தீட்டும் psychiatry touch உள்ள காட்சிகளை எல்லாம் கே.விஜயன் நன்றாகவே கையாண்டிருப்பார்.
ஓட்றா ஓட்றா பாடல் மற்றும் நாளை நீ மன்னவன் பாடல் எல்லாம் ரொம்பவே பிரசித்தம். ரோஜாவின் ராஜா பாடல் மற்றுமே படம் வந்த போதுதான் பலருக்கும் தெரிந்தது. சாம்ராட் அசோகன் வேறு பாணியில் எடுத்திருப்பார்கள் அது போனஸ்.
1976 டிசம்பர் 25 சனிகிழமை அன்று மதுரை சிந்தாமணி மற்றும் மினிப்ரியா அரங்குகளில் வெளியானது. இரண்டிலும் பார்த்தேன்.மிகவும் பிடித்திருந்தது. அவன் ஒரு சரித்திரம் மற்றும் தீபம் வெளியீடுகள் மட்டும் குறுக்கிடவில்லையென்றால் படம் பெரிய அளவிற்கு போயிருக்கும். என்னைப் போல் ஒருவன், ஹீரோ 72 போன்றே இந்தப் படமும் late ஆகாமல் குறிப்பிட்ட காலத்தில் வந்திருந்தால் நிச்சயம் பெரிய வெற்றியை பெற்றிருக்கும்.
1977 ஜனவரி பிலிமாலயா இதழில் இந்தப் படத்தை பற்றி மிகவும் சிலாகித்து விமர்சனம் எழுதியிருந்தது இப்போதும் நினைவில் இருக்கிறது. நடிகர் திலகத்தின் நடிப்பை பற்றி குறிப்பிடும் போது கண்ணாடியை கழட்டாமலே கண்ணீரை துடைக்கும் லாவகம் நடிகர் திலகத்தை விட்டால் யாருக்கு வரும் என்று எழுதியிருந்தார்கள். மேலும் பாடல்களை பற்றி சொல்லும்போது கண்ணதாசன் பாடல் விஸ்வந்தன் இசையில் சௌந்தரராஜன் பாடி நடிகர் திலகம் நடிக்கும் போது பழைய சிவாஜி பட இனிமை திரும்பி வந்தது போல் இருக்கிறது என்று எழுதியிருந்தார்கள். அந்த நாட்களில் படங்களின் விமர்சனத்தின் முடிவில் படத்தைப் பற்றிய ஒரு குறியீடாக ஒரு பூவின் பெயரை குறிப்பிடுவது பிலிமாலயா பத்திரிக்கையின் வழக்கம். இந்தப் படத்திற்கு குல்மொஹர் என்று குறியீடு செய்திருந்தார்கள். அது எதைக் குறிக்கிறது என்பது பற்றிய ஆராய்ச்சி அதற்கு பிறகு வந்த இரண்டு மாத இதழ்களில் ஜீனியஸ் பதில்களில் எதிரொலித்துக் கொண்டிருந்தது.
கோபாலின் பதிவிற்கு ஒரு சின்ன பின்னூட்டம் இட நினைத்து தொடங்கியது ஒரு பெரிய பதிவாக அமைந்து விட்டது. பழைய nostalgic நினைவுகளை கிளறி விட்டதற்கு நன்றி கோபால்!
அன்புடன்
சுப்பு சார்,
உங்களுக்கு special தேங்க்ஸ். மிக தேர்ச்சியுள்ள informative பதிவுகள்.தாங்கள் முரளி சார் பற்றி குறிப்பிட்டது போல அவர் மதுரை புள்ளி விவரங்கள் மட்டும் தருபவர் அல்ல. இந்த திரிக்கு இன்று நாம் ரசிக்கும் பலரையும் இழுத்து வந்த முன்னோடி. ஆங்கிலத்திலும்,தமிழிலும் சம புலமை கொண்ட வசீகர எழுத்து அவருடையதாகும்.
ராகுல்,
உன் எழுத்துக்கள் நாளுக்கு நாள் மெருகேறி வருகின்றன. வாழ்த்துக்கள்.
ரோஜாவின் ராஜாவிற்கு ஒரு பாராதானா என்றால் என்ன சொல்ல? தூண்டு பதிவே அது.(teaser ) .அது அடைய வேண்டிய இலக்கை அடைந்து வீழ்த்தியதற்கு, தலைவர் வேந்தரும்,எழுத்து வேந்தருமே சாட்சிகளாகிறீர்கள். பாடல்கள் பற்றி விளக்கத்திற்கு நன்றி. பாடல்கள் என்னை ரொம்ப கவரவில்லை என்பதை புரட்சி தாசன் என்ற கிண்டலில் இருந்து தெரிந்து கொள்ளவில்லையா?
படத்தின் Highlight (தூக்கி நிறுத்தியவை)
சாம்ராட் அசோகன்.
சிவாஜி-வாணிஸ்ரீ காதல் காட்சிகள் மற்றும் Duets .(சில அழகான உடைகள் ,locations உடன்.)
சிவாஜியின் பிரிவு துயர்,சித்த பிரமை ஆரம்பம், அம்மா மறைவு, ஸ்ரீகாந்தை தேடி hostel வரும் காட்சிகள் .
படத்தை கொஞ்சம் சறுக்க வைத்தது- ஆ(ரம்ப) முதியோர் கல்வி,Outdated predictable திரைக்கதை,.cliched வசனங்கள்., மனோகர் சம்பத்த பட்ட சுவாரஸ்யம் குறைந்த இழுவை காட்சிகள்.
((03/07/1971 இல் நடிகர்திலகத்தின் 150 வது காவியமாய் வந்து பெரு வெற்றி பெற்ற அற்புத காவியத்தின் 42 வருட நிறைவு. இந்த மீள்பதிவு வாசுவிற்காக.)
சவாலே சமாளி- நடிப்பு தெய்வத்தின் 150 ஆவது காவியம்- 1971.
1970 களில், 1971 ஆரம்பத்தில்,நடிகர்திலகத்திற்கு, எங்க மாமா ,வியட்நாம் வீடு,ராமன் எத்தனை ராமனடி, எங்கிருந்தோ வந்தாள் , சுமதி என் சுந்தரி தவிர்த்து , மிக மிக சுமாரான சராசரியான படங்களே அமைந்து ,அவருடைய youthful ,smart ,trim and handsome காலகட்டத்தை வீணடித்து கொண்டிருந்தன.இந்த நேரத்தில்,சரியான நேரத்தில், எங்களுக்கு full meals என்று சொல்லத்தக்க முறையில் அமைந்த landmark படம்தான் சவாலே சமாளி. சிவாஜி இந்த படத்தில் வேட்டி கட்டிய மன்மதனாக ,அவ்வளவு அழகாக தோற்றமளிப்பார். விவசாயமும்,தொழில் துறையும் நாட்டின் இரு கண்கள்.தொழில் துறையில் இரும்புத்திரை வந்ததால், அதே பாதையில் விவசாயிகளின் பிரச்சினையை கையிலெடுத்தது சவாலே சமாளி. கதாநாயகனுக்கு அதே பெயர்-மாணிக்கம்,அப்பா-மகன் எதிர்-நிலை, இறுதி காட்சி தீ பந்தம் ,வீண் பழி என்ற பல ஒற்றுமைகள். வேற்றுமைகள்- இரும்பு திரை தொழிலாளர் பிரச்சினையை முன் நிறுத்தியது. சவாலே சமாளி ,வர்த்தக ரீதியாக குடும்ப பிரச்சினைகளை முன் நிறுத்தியது(தொட்டு கொள்ள ஊறுகாயாய் விவசாய பிரச்சினை). ஒரு சராசரி ரசிகனின் பார்வையில் ஈர்ப்பு அதிகம் நிறைந்தது சவாலே சமாளி.
மல்லியம் ராஜ கோபால் ,மிக சுவாரஸ்ய திரைக்கதைக்கு, K .S .கோபாலகிருஷ்ணனின் மனிதம் நிறைந்து வழியும் இயல்பு வசனங்களையும்,கே.பாலச்சந்தரின் twist நிறைந்த sharp ,contemporary appeal நிறைந்த வசனங்களையும் கலந்து ,புது பாதை போட்டிருந்தார்.
விவசாய கூலி குடும்பத்தை சேர்ந்த மாணிக்கம்,சுய மரியாதை நிறைந்த, தலைமை பண்புகள் கொண்ட , சக-விவசாயிகளின் பிரச்சினையை புரிந்து கொண்ட ஒரு கிராமத்து(புளியன்சேரி ) வாலிபன்.அப்பா ஐயா கண்ணு, பெரிய பண்ணைக்கு விசுவாசமான வேலையாள்.தங்கை காவேரி ,மாரிமுத்து என்ற கொல்லன் பட்டறை வாலிபனை மணந்து, அவன் இன்னொரு பெண்ணுடன் வாழ்வதால் ,பிறந்த வீட்டிற்கு விரட்ட பட்டவள். மாணிக்கத்தின் ,விவசாய கூலி சார்பு நிலையும், பண்ணை வீட்டிற்கு அருகில் இருக்கும் சிறு நிலத்தில் போடபட்ட கொட்டகையும், பெரிய பண்ணை கண்ணை உறுத்த, தான் காவேரி கல்யாணத்திற்காக கொடுத்த பணத்திற்காக, அந்த நிலத்தை கொடுக்க வற்புறுத்தி, தவறினால், மாணிக்கத்தை பெரிய பண்ணைக்கே வேலையாளாய் சேர சொல்லி ,அந்த முயற்சியில் வெற்றியும் அடைகிறார் பெரிய பண்ணை.(சின்ன பண்ணை,மகன் ராஜவேலு ஆலோசனைகளோடு).பட்டணத்தில் படித்து விட்டு ,நாகரிக மிடுக்கோடு வரும் ,பெரிய பண்ணையின் மகள் சகுந்தலாவை ,ரயில் நிலையத்தில் அழைத்து வர சென்று, அவள் பேசும் பேச்சால் ஆவேச பட்டு,நடு வழியில் சென்று விடுகிறான் மாணிக்கம். ராஜவேலு விற்கும், மாணிக்கத்திற்கும் ,ஒரு கை கலப்பு ஏற்பட, மாணிக்கம் வேலையை விட்டு நீக்க படுகிறான்.
இதற்கிடையில்,சகுந்தலாவை அழைத்து கொண்டு ,அவளுக்காக பார்த்திருக்கும் மாப்பிள்ளை,அவர்கள் வீட்டாரை அழைத்து வர ராஜவேலு சென்றிருக்கும் போது , சின்ன பண்ணை சூழ்ச்சியால்,பஞ்சாயத்து தேர்தலில் தனக்கு எதிரே நிற்கும் மாணிக்கம் தோற்றால் ஊரை விட்டு ஓட வேண்டும் எனவும்,தான் தோற்றால் தன பெண்ணை கல்யாணம் செய்து கொடுப்பதாகவும், மாணிக்கத்துடன் ஒப்பந்தம் போடுகிறார் பெரிய பண்ணை. இதன் படி தேர்தலில் தோற்கும் பெரிய பண்ணை ,தன மகளை மாணிக்கத்திற்கு கல்யாணம் செய்து வைக்க வேண்டிய கட்டாயத்திற்கு தள்ள பட்டு ,சகுந்தலாவின் ஒப்புதல் இன்றி,வற்புறுத்த பட்டு கல்யாணம் நடந்தேறுகிறது.
வேண்டா வெறுப்பாய் கல்யாணத்திற்கு உடன் படும் சகுந்தலா, மாணிக்கத்துடன் தாம்பத்ய வாழ்க்கையில் ஈடு பட மறுப்பதால், அவளே மனமொப்பும் வரை அவளை தொடுவதில்லை என்று சத்தியம் செய்கிறான். தனக்கேற்ற மனைவியாக அவளை மாற்ற முயல்கிறான் சிறிது அதிக பட்ச குதர்கத்துடன். சகுந்தலா பிறந்த வீடு சென்று, வர மறுக்க மாணிக்கம், விடியும் வரை கெடு விதித்து,திரும்பி வரவில்லையேல் தாலி தன கையில் வந்து சேர வேண்டும் என்கிறான். அம்மாவின் ,வற்புறுத்தலால்,சகுந்தலா மீண்டும் ,மாணிக்கம் வீட்டுக்கு வருகிறாள். ஆனால் மாணிக்கம் அவளை நாற்று நட வற்புறுத்த,அந்த உழைப்பினால், நோய் வாய் படுகிறாள்.தற்கொலை முயற்சியில் ஈடு படும் சகுந்தலாவை காப்பாற்றி மனம் திறக்கிறான் மாணிக்கம். வீட்டுக்கு வந்து, சகுந்தலாவை ,அழைத்து செல்ல முயலும் ராஜவேலுவை,காவேரி கடுமையாய் பேசி விட, கோப பட்டு ,ராஜவேலு ,நாயை வைத்து ஆடையை பறிக்க, காவேரி ,அம்மனுக்கு சார்த்திய புடவையை தன மேல் போர்த்து , தீபந்தம் ஏந்தி வயலுக்கு நெருப்பு வைக்கிறாள். அவளிடம் இருந்து, அதை பிடுங்கி மாணிக்கம் பழியை ஏற்று, உண்மையை சொல்லாமல்,பெரிய பண்ணை வீட்டில் சவுக்கடி படுகிறான். மனம் மாறி வந்த காவேரி கணவன் ,மாரிமுத்து, ராஜ வேலுவை பழி வாங்க எண்ணி ,அவன் தாயின் வேண்டுகோளால் விட்டு விடுகிறான்.மனைவியை அழைத்து செல்கிறான். சகுந்தலா தன கணவன் உள்ளமறிந்து, தாம்பத்யத்திற்கு உடன் பட எல்லாம் சுகமே.
சவாலே சமாளியை பொறுத்த வரை, சிவாஜியை அதிகம் சிரம படுத்தாத பாத்திரம். அவ்வளவு இலகுவாய் கையாள்வார். அப்பாவுடன் செல்லமான முரண்பாடு, ஆதிக்க வர்கத்திடம் இயல்பான ஒரு எதிர்ப்புணர்வு,அதனால் ,அவர்களுடன் சவால் விடும் தோரணை,சுய மரியாதையை விட்டு கொடுக்காத ஒரு பிடிவாதம். அந்த பாத்திரத்திடம் ஈர்க்க பட்டு விடுவோம். ஜெயலலிதா தகாத வார்த்தை பேசும் போது ,பதில் பேசாமல், வண்டியை ஓட்டி அவரை விட்டு செல்லும் ரோஷம்,அம்மா சின்ன வயசில பால் வடியும் மொகம்னு சொல்லுவியே,மோர் வடியுது என்னும் கிண்டல்,சேரான துணியை துவைத்து போட சொல்லும் ஜெயலலிதாவை ,நீ என்ன என் பொண்டாட்டியா என்னும் நக்கல்,ராஜவேலு விடம் காட்டும் சீற்றம், கல்யாணம் ஆன இரவில் வர்க்க பேதம் பற்றி பேசி, அவருடன் தனக்கு முதல் பார்வையில் ஏற்பட்ட ஈர்ப்பு பற்றி பேசி, முரண் படும் போது , தொடுவதில்லை என்று சத்யம் செய்வது, சாப்பிட மாட்டேன் என்று சொல்லி,பசி தாளாமல் பழைய சோற்றை அள்ளி தின்னும் மனைவியை மற்றோர் எதிரில் காட்டி அவமான படுத்தும் நக்கல், உன்னோட வயல்தானே மிதி என்று மனைவியை நாற்று நட சொல்வது,ஜுரம் வந்து அவதி படும் மனைவியிடம் உருகுவது, அதனை மறைந்து நின்று பார்க்கும் அவள் தந்தையிடம் தனக்கும் தகப்பனின் மனம் புரியும் என்று உணர்த்துவது, தற்கொலை பண்ண முயலும் மனைவியை காப்பாற்றி தன உள்ளம் திறப்பது,இறுதி காட்சியில் உண்மையை மறைத்து,தண்டனை அனுபவிப்பது(தந்தை கையால்) என்று அதகளம் பண்ணுவார்.
வீ.எஸ்.ராகவன் ,அடிமை ரோலுக்கு படு பொருத்தம்.மகன் விறகு வெட்டி காய்த்த கைகளை பார்த்து உருகுவது, சவாலில் ஜெயித்த சிவாஜியை ஒன்றும் பண்ண முடியாமல், தன்னை துன்புறுத்தும் ராஜவேலு விடம் விசுவாசம் காட்டுவது,உன்னை வெட்டி போட்டுடுவேண்டா என்று மகனை திட்டி, மருமகளை பார்த்து அதற்கும் வழியில்லாம பண்ணிட்டியே என்று உருகுவது,இறுதி காட்சியில் தன கையாலேயே மகனை சவுக்கால் அடித்து விட்டு வருந்துவது எல்லாம் அருமை.
பகவதி ,பெரிய பண்ணையின் கம்பீரம்,குரூரம் எதுவும் காண்பிக்க இயலாமல் miscast ஆக தெரிவார்.நம்பியார் கூட இருந்து அதனை ஈடு செய்வார்.
நாகேஷ் ,கொடுத்த பாத்திரத்தில் பிய்த்து வாங்குவார். இவர் பாத்திரம் படத்திற்கு பெரிய பலம். ஜெயா மேடம், எங்கிருந்தோ வந்தாளுக்கு அடுத்த ,அருமையாய் நடிப்பில் score பண்ணிய படம்.அந்த பாத்திரத்தில் நமக்கு அனுதாபம் வரும் அளவு அருமையாய் நடிப்பார். தந்தையென்று அறியாமல் செருப்பை கழுவி விட ,பிறகு ஒருவரை ஒருவர் அறிந்து உள்ளுக்குள் மருகும் காட்சியில் இருவருமே அபாரமாய் நடித்திருப்பார்கள். முத்து ராமன்,விஜய குமாரி அவர்கள் பங்கிற்கு ,மறுமணம் பற்றி கேள்வி பட்டு முத்து ராமன் கேள்வி மேல் கேள்வி கேட்க , எல்லாவற்றுக்கும் ஆமாம் சொல்லி, அதுக்கு நீ சம்மதிச்சியா என்று கேட்டிருந்தால் இல்லைன்னு சொல்லியிருப்பேனே என்று கணவனை உருக்கும் இடம் அருமை.
supporting cast ,பாத்திர வார்ப்புகள் அருமை. நடித்தவர்களும் அருமை. வரலக்ஷ்மி உட்பட.
சவாலே சமாளியை A ,B ,C எல்லா centre க்கும் பிடிக்கும் வகையில் திரைகதை வசனம் எழுதி இயக்கி,தயாரித்திருப்பார் மல்லியம் ராஜகோபால். இதற்கு முன் தெய்வ பிறவி கதை தன்னுடையது என்று கிருஷ்ணன்-பஞ்சு,K .S .G முதலியோருடன் பிணங்கியவர் .பிறகு அதே கிருஷ்ணன்-பஞ்சு இயக்கத்தில் ,N T படமான இளைய தலை முறைக்கு திரைகதை,வசனம் எழுதினார் . லட்சுமியை அறிமுகம் செய்த இயக்குனர்.(ஜீவனாம்சம்).திறமை இருந்தும் சவாலே சமாளி என்ற one movie wonder வகையில் சேர்ந்தது அவர் துரதிர்ஷ்டமே.இன்னும் நிறைய சாதித்திருக்க வேண்டியவர்.திறமை மிக்கவர்.
வின்சென்ட் காமரா பிரமாதம். கிராமம், இயற்கை, இரவு காட்சிகள் எல்லாம் அவ்வளவு அழகு. சிவாஜிக்கு கூடுதல் அழகு வின்சென்ட் படங்களில்.கமல் நடன உதவியாளராய் பணியாற்றிய N T படங்களில் இதுவொன்று.(மற்றது எங்கிருந்தோ வந்தாள்.சிரிப்பில் உண்டாகும் ராகத்திலே பாட்டில் சிவாஜியின் கமல் பாணி நடன அசைவுகளை ரசிக்கலாம். )
இந்த படத்தில் சொதப்பியவர் விஸ்வநாதன். தெலுங்கு பட dubbing range ல்தான் அத்தனை பாட்டும்.அன்னை பூமியென்று,சிட்டு குரூவிகென்ன(சுசிலா மட்டும் உழைத்து பாடுவார்),ஆனைக்கொரு காலம் வந்தா,நிலவை பார்த்து, என்னடி மயக்கமா எல்லாமே படு மோசமான நாலாந்தர பாடல்கள். 150 வது படத்தில் இசை ,பாடல்கள் நன்கு அமைந்திருந்தால் ,வெள்ளி விழாவே கண்டிருக்கும்.
ஆனால்,பெண்ணுரிமையாளர்கள் ,இந்த படத்தை பார்த்தால் ,மூர்சசையே போட்டு விடுவார்கள்.பெண்ணை பணயம் வைப்பது,விரும்பாத பெண்ணை மணந்து சித்திரவதை செய்வது(வார்த்தையால்),என்று கதாநாயகனின் வீரம் முடக்க பட்டு, விவசாயிகளின் பிரச்சினைகளுக்கு பெப்பே காட்ட பட்டு விடும்.
நேர்மையான திரைகதையமைப்பில், எடுத்து கொண்ட கருவில் என்று பார்த்தால் இரும்பு திரை ஒரு காவியம். சுவாரசியம் என்று பார்த்தால் சவாலே சமாளிதான்.(ஜன ரஞ்சகம்)
எல்லா ஊர்களிலும் நன்கு ஓடி ,வசூல் புரட்சி செய்த காவியம். 150 வது படம் என்ற நற்பெயரை காப்பாற்றி கொடுத்தது.சவாலே சமாளியில் ஆரம்பித்த வெற்றி சுனாமி, பாபுவில் கரை கடந்து ,1972 இல் தொடர்ந்து தமிழகம் முழுதும் ஆனந்த அலைகளை தொடர்ந்து பாய்ச்சி நடிகர்திலகம் மட்டுமே திரையுலக வசூல் சக்கரவர்த்தி என்பதை கல்வெட்டாய் எழுதி சென்றது. மயிரிழையில்(??) சிறந்த நடிகர் பட்டம் (பாரத்) சிவாஜிக்கு பெற்று தர வேண்டிய வாய்ப்பை இழந்தது.காரணம் இன்று வரை புரிந்த மர்மம்தான்.
Nadigar Thilagam's films in TV Channel this week - 08.07.2013 to 14.07.2013
Channel Date Time Movie
Raj Digital 09.07.2013 8.00 pm Avan Oru Sarithiram
J Movies 09.07.2013 5.00 pm Gnana Oli
Zee Tamil 10.07.2013 2.00 pm Anbukkarangal
Vasanth TV 10.07.2013 2.00 pm Viduthalai
Raj Digital 10.07.2013 1.00 pm Muradan Muthu
Mega 24 10.07.2013 6.30 pm Chithra Pournami
Jaya TV 10.07.2013 8.30 pm Thanga Pathakkam
Vasanth TV 11.07.2013 2.00 pm Vaazhkkai
Raj TV 11.07.2013 10.00 pm Ennai Pol Oruvan
Jaya TV 12.07.2013 10.00 am Thirumal Perumai
Jaya TV 12.07.2013 8.30 pm Thavani Kanavugal
Jaya TV 13.07.2013 10.00 am Raman Ethanai Ramanadi
Vasanth TV 14.07.2013 2.00 pm Uthama Puthiran
Raj TV 14.07.2013 10.00 pm Raja Mariyadhai
என்று முடியும் வரைQuote:
Originally Posted by Murali Srinivas
உள்ள நடையில் இருக்கும் சரளம் அசத்தவைக்கிறது முரளி சார்.அப்படியே கல்கி,தேவன்,போன்றோர் எழுத்தில் உள்ள சுபாவமான வார்த்தைகள், சரளமான நடை.அசத்தி விட்டீர்கள்.
அடுத்து நண்பர் கோபாலின் சவாலே சமாளி..
"மய்யம் ஸ்டைலில்" மிக நன்றாக எழுதியுள்ளார்.வழக்கம் போல நண்பர் ராகவேந்தர் சினம் கொள்ள சில வரிகள்.(அவருக்கோ தியேட்டர் usher in டிக்கட்டை கிழித்தாலே கோபம் வரும்:-D.)சவாலை நன்கு சமாளித்து விட்டீர்கள் கோபால்.welcome back to Plaza theater in a few days time.
இறுதியாக பட்டை கிளப்பும் NT360degree சிவாஜி ஒரு சித்தர்.
என்ன சொல்வது..பிய்த்து உதறுகிறார். சுருங்க சொன்னால் இவரை தனிக்குடித்தனம் அனுப்ப வேண்டிய எல்லாத்தகுதிகளும் வந்து விட்டது.நண்பர் ராகவேந்தர் would be on the job என நம்புகிறேன்.
இப்படிக்கு,
பக்தர்களின் பக்தன்,
Ganpat.
டியர் கோபால் சார்,
தங்களுடைய ரோஜாவின் ராஜா பதிவு அருமை. ஒருபாராவை முன்னுரையாக எழுதி முரளி சாரை அழகான விமர்சனம் எழுத வைத்துவிட்டீர்கள்.
நடிகர்திலகம் - ஜெயலலிதா கூட்டணியில் அமைந்த மற்றுமொரு வெற்றிக் காவியம் சவாலே சமாளி பற்றி தங்களுடைய விமர்சனப் பதிவு சிறப்பு.
டியர் முரளி சார்,
ரோஜாவின் ராஜா - கோபால் சார் எழுதிய முன்னுரைக்கு தங்களுடைய விமர்சனப் பதிவு மிகவும் சிறப்பு.
// சவாலே சமாளி
கதை என்று பார்த்தல் ஏற்கனவே நாம் பார்த்த பட்டிக்காடா பட்டணமா படத்தின் சாயல் உள்ள கதை தான் Rich Vs Poor . //
Dera Raghulji,
ஏற்கனவே நாம் பார்த்த..?????????
Please note 'Savale Samaali' came one year before 'Pattikkada Pattanama'.
டியர் ராகுல்ராம் சார்,
தங்களுடைய சவாலே சமாளி - விமர்சனம் அருமை. ஆயிரம் சொன்னாலும், நடிகர்திலகத்தின் black & white திரைப்படத்தைப் பார்க்கும்போது இருக்கும் இன்பமே தனிதான்.
கோபால் சார்
சவாலே சமாளி திரைப்படத்தைப் பற்றிய தங்கள் பதிவு அட்டகாசம் ... திருஷ்டிப் பொட்டாக ஓரிரு வரிகள் தவிர...
கண்பத் சார்
நான் என்ன வேண்டாத மாமியாரா... எல்லோரையும் தனிக்குடித்தனம் அனுப்ப... கோபால் சாருக்கு மட்டும் தான் அந்த சலுகை...
மற்றவர்களெல்லாம் இங்கேயே கிடந்து அடித்துக் கொள்ள வேண்டியது தான்...சௌரி சார் உள்பட
Quote:
Originally Posted by Ganpat
திரு.கண்பட் அவர்களுக்கு
மிகவும் நன்றி, தங்களுடைய பாராட்டிற்கு..!
நடிகர் திலகத்தை போலவே நானும் கூட்டு குடும்ப கலாசாரத்தை எப்போதுமே விரும்புபவன். தனிக்குடித்தனம் எனக்கு பிடிக்காத ஒன்று ..!
அன்புள்ள முரளி சார்,
அடிக்கடி தங்கள் வருகையும், அற்புதமான பதிவுகளும் மனதுக்கு நிறைவை அளிக்கின்றன. 'ரோஜாவின் ராஜா' பதிவு வெகு அற்புதம். பார்த்து நாளாகிவிட்ட படத்தை காட்சிவாரியாக விவரித்து மீண்டும் தங்கள் எழுத்துக்களால் காணவைத்து விட்டீர்கள்.
சென்ற ஆண்டு 'ரோஜாவின் ராஜா' வெளியீட்டு நாள் குறித்து நான் எழுதிய பதிவில்கூட, படம் வெளியான பிராட்வே தியேட்டர் நிகழ்வுகள் குறித்து அதிகம் எழுதியிருந்தேனே தவிர படத்தின் கதை, நடிப்பு, பாடல்கள் பற்றி அவ்வளவாக எழுதவில்லை. சும்மா கொஞ்சம் கொஞ்சம் தொட்டிருந்தேன். அவ்வளவுதான்.
தற்போது நீங்கள் மிக அருமையாக ரோஜாவின் ராஜா படத்தை அலசி விட்டீர்கள். மைசூர் அரண்மனை முன் படமாக்கப்பட்டிருந்த 'அலங்காரம் கலையாத சிலையொன்று' பாடலில் அட்டகாசமான காஸ்ட்யூமில் அண்ணனும் வாணியும் சூப்பரோ சூப்பர்.
(இந்த இடத்தில் தொலைக்கட்சி காம்பியர்கள் மற்றும் நிகழ்ச்சி தயாரிப்பாளர்களுக்கு ஒரு வேண்டுகோள் : 'மயக்கம் என்ன', ‘யமுனா நதியிங்கே’, 'மதன மாளிகையில்' போன்ற பாடல்களோடு நின்றுகொண்டிருக்காமல், 'அலங்காரம் கலையாத', 'செந்தமிழ் பாடும்', 'மாந்தோரண வீதியில்', 'சித்திர மணடபத்தில்' , 'நீ வரவேண்டும் என எதிர்பார்த்தேன்', 'வேலாலே விழிகள்' பாடல்களின் பக்கமும் கொஞ்சம் கவனத்தை திருப்புங்கள்)
படத்தின் ஜீவநாடியான பல காட்சிகளை தங்களுக்கே உரிய நயத்தோடு விவரித்துள்ளீர்கள். அவற்றில் ஒன்று 'அம்மா போயிட்டியா' என்று அசால்ட்டாக கேட்கும் காட்சி. 'ஜனகன் மகளை' பாடல் காட்சியில் வாணியின் அற்புத பெர்மாமென்ஸ் பற்றிய தங்கள் ஸ்பெஷல் மென்ஷன். அண்ணனின் ஜோடிகளில் அண்ணிக்கு அடுத்து வாணிதான் என்பது என் திண்ணமான எண்ணம். (சிலருக்கு வாணி முதன்மையாகத் தோன்றலாம்). ஆனால் நம் துரதிஷ்டம் இவர்கள் இருவரையும் விட 'என்னங்க' விஜயாவுடன் அதிகப்படங்களில் அண்ணன் ஜோடி சேர்ந்ததுதான்.
பாடல்கள் அனைத்தும் அருமைஎன்றாலும் 'நாளை நீ மன்னவன்' பாடல் தேவையில்லாத இடத்தில் வந்த இடைச்செருகல். சாம்ராட் அசோகனைத் தரிசிக்க ரெடியாக இருக்கும்போது இது என்ன சோதனையாக என்று சலிப்பூட்டியது உண்மை.
சுருக்கமாக தங்களின் 'ரோஜாவின் ராஜா' அலசல் அறுசுவை விருந்து.
ஒப்பு கொள்ள முடியாது. அது என்ன "சிலருக்கு"? "பலருக்கு" என்று திருத்தும் வரை அடையாள வேலை நிறுத்தம்.(நண்பன் வாசுவோடு நானும் ஓய்வெடுக்கலாம் இல்லை?)Quote:
Originally Posted by mr_karthik