Nadigar Thilagam Sivaji Ganesan Part 10

[venkkiram]

போறபோக்குல எப்போதாவது சிவாஜி திரிகளை எட்டிப்பார்த்துவிட்டு செல்லும் பழக்கமுடைய நான் தற்பொதைய நாட்களில் ஆர்வமாக எல்லோரின் பதிவுகளையும் வாசிக்கிறேன். தில்லானா மோகனாம்பாள் பற்றிய பீஆர், கண்பத் பதிவுகள் சிறப்பு. பலரும் சொல்வதுபோல, தி.மோ ஒரு முழுமையான, பூரணமான படம். (கவியரசர் கண்ணதாசனும் தனது ஆகச் சிறந்த படங்களிளுக்கான பட்டியலில் இதையே முன்னிலைப் படுத்தி சிலாகித்திருக்கிறார் எனப் படித்த ஞாபகம்) . படத்தின் குறைபாடுகளையெல்லாம் ஜீரணிக்க வைத்து சிறப்புக்களை மட்டுமே மனதோடு எடுத்துச் செல்ல வைக்கும் படைப்பு. கீற்றுக்கொட்டகை ஜில்லு நாடகத்தினை ஒட்டிய மோகனாவின் வருகை, சிக்கலாரின் கடு-கடுத்தனம், துண்டை உதறிவிட்டு நடந்து செல்லும் பாங்கு;ஊதித் தள்ளிவிடுவது போல வைத்தியை அணுகும் கோபம்.. அந்த அத்தியாயமே எனக்கு மிகவும் பிடித்தக் காட்சிகளில் ஒன்று..