Nadigar Thilagam Sivaji Ganesan - Part-15

[RAGHAVENDRA]

ரவி
கோபால் கூறியதை நானும் வழிமொழிகிறேன். தங்களின் சிறப்பான மற்றும் அதிகமான பங்களிப்பு இத்திரியில் தொடர வேண்டும் என்பது எங்களின் பேராசை. அதைத் தாங்கள் நிறைவேற்றினால் மிகவும் மகிழ்ச்சி கொள்வோம்.

ராணி லலிதாங்கி திரைப்படத்தைப் பொறுத்த வரையில் ஒரு சில ஆண்டுகளுக்கு முன் வேறோர் அமைப்பில் திரையிடப்பட்டு அப்போது ராஜசுலோச்சனா அவர்களும் வந்திருந்தார். இதைப் பற்றி முரளி சாரும் கூறியிருந்தார். மேலதிக விவரங்களை எம்.ஜி.ஆர். அவர்களின் திரியிலும் தாங்கள் படித்திருக்கலாம்.

முழுக்க முழுக்க தனிமனிதனாய் இத்திரைப்படத்தைத் தாங்கியது நடிகர் திலகத்தின் நடிப்பு. அதற்குத் துணையாய் நின்றது இசை மேதை ஜி.ஆர். அவர்களின் இசையமைப்பு. இன்று இப்படத்தைப் பார்க்கும் பொழுது பல காட்சிகளில் நடிகர் திலகத்தின் நடிப்பில் பல நுட்பமான விஷயங்கள் பொதிந்துள்ளன என்பதை உணர முடிகிறது. இதைப் பற்றி Definition of Style தொடரில் எழுதலாம் என உத்தேசித்திருந்தேன். அதற்கேற்ப தற்போது தங்களுடைய திறனாய்வும் உந்து சக்தியாகி விட்டது.

நன்றி.