Nadigar Thilagam Sivaji Ganesan - Part-15

[RAGHAVENDRA]

நண்பர்களே,
நம் இதய தெய்வம் நடிகர் திலகத்தின் புகழ் பரப்பும் நோக்கத்தில் எட்டு ஆண்டுகளுக்கு முன் துவங்கப் பட்ட நமது நடிகர் திலகம் இணைய தளம், அதிலிருந்து சற்றும் வழுவாமல், இன்று சிறப்பானதொரு மைல்கல்லை அடைந்துள்ளது. இந்த மகிழ்ச்சிக்கு ஒவ்வொரு சிவாஜி ரசிகரும் உரிமையாளராவார். அதற்குக் காரணமும் அவரே யாவார். நம் நடிகர் திலகம் இணைய தளத்தின் Tagline, "With your company in our heart and soul, we shall reach great heights!". எல்லாம் வல்ல இறைவனருளாலும் நடிகர் திலகத்தின் ஆசியாலும் இந்த வரிகள் ஜீவனுடன் விளங்குகின்றன. அதற்கொப்ப நமது இணைய தளமும் சிறப்புடன் நடை போடுகிறது. இந்த வரிகளை மெய்ப்பிக்கும் வகையில் நமது இணைய தளமான www.nadigarthilagam.com, நடிகர் திலகத்தின் புகழ் பரப்பும் பணியில் அதிகார பூர்வமான இணையதளமாக ஏற்றுக் கொள்ளப் பட்டது குறிப்பிடத்தக்கது.

இந்த வகையில் மற்றோர் மைல்கல்லாக இன்றைய தினம் இவ்விணைய தளத்தின் பார்வையாளர் எண்ணிககை

1,00,000

என்ற எண்ணிக்கையைக் கடந்துள்ளது. இதற்கு ஒவ்வொரு சிவாஜி ரசிகருக்கும் என் உளமார்ந்த நன்றியைத் தெரிவித்துக் கொள்ள விரும்புகிறேன்.

இதற்குக் காரணம், நம் இணைய தளத்தில் பார்வையாளர் எண்ணிக்கை என்பது முதன் முதலாக நம் இணைய தளத்தைப் பார்வையிட வரும் வருகையை மட்டுமே கணக்கில் கொள்ளும் வகையில் அமைக்கப் பட்டுள்ளது. அந்த அடிப்படையில் கிட்டத் தட்ட ஒரு லட்சம் சிவாஜி ரசிகர்களையும் திரைப்பட ஆர்வலர்களையும் மற்றும் பல்வேறு நட்சத்திரங்களின் ரசிகர்களையும் ஈர்த்து வரவழைத்துள்ளது.

இதற்காக ஒவ்வொருவருக்கும் என் சிரந்தாழ்ந்த நன்றியினைப் பணிவுடன் தெரிவித்துக் கொள்ள விரும்புகிறேன்.



மக்கள் தலைவர் நடிகர் திலகம் சிவாஜி கணேசன் அவர்கள் ஆசியுடன் நமது நடிகர் திலகம் இணைய தளம் மென்மேலும் வெற்றியுடன் நடைபோடும் என்பதில் ஐயமில்லை.

புதிய பொலிவுடன் பல்வேறு புதிய அம்சங்களுடன் நமது இணைய தளம் மேலும் சிறப்புற அமைக்கப் பட்டு வருகின்றது. தங்கள் அனைவரின் ஒத்துழைப்பால் மட்டுமே இது சாத்தியம்.

நன்றி.