Nadigar Thilagam : The Greatest Actor of the Universe & The One & Only BO Emperor

[pammalar]

லேட்டஸ்ட்

டிஜிட்டல் "கர்ணன்" காவியத்தின்
150வது நாள் மெகா வெற்றிவிழா

காமராஜர் அரங்கம் ஹவுஸ்ஃபுல் ஹவுஸ்ஃபுல் !!!

இன்று 4.8.2012 ஸ்திரவாரமான சனிக்கிழமை மாலை 5 மணியிலிருந்து இரவு 9 மணி வரை, சென்னை தேனாம்பேட்டை காமராஜர் அரங்கத்தில், டிஜிட்டல் "கர்ணன்" திரைக்காவியம் மறுவெளியீட்டில், 150 நாட்கள் மிகமிக வெற்றிகரமாக ஓடியுள்ளதை கொண்டாடும் வகையில் பிரம்மாண்டமான வெற்றி விழா நடைபெற்றது. அகில இந்திய சிவாஜி மன்றம் நடத்திய இந்த கோலாகலமான விழா நடைபெற்ற 'காமராஜர் அரங்கம்' ஹவுஸ்ஃபுல். பல அன்புள்ளங்கள் இருக்கைகள் கிடைக்காமல் நின்று கொண்டும் விழாவை கண்டு களித்தனர். சென்னை மட்டுமல்லாது தமிழகமெங்குமிருந்து அன்புள்ளங்கள் திரண்டு வந்திருந்தனர். புதுச்சேரி, கேரளா, கர்நாடகா, ஆந்திரா, மஹாராஷ்டிராவிலிருந்தும் கணிசமான நல்லிதயங்கள் விழாவில் பங்கேற்றனர். 'காமராஜர் அரங்கம்', நுழைவாயிலிலிருந்து உட்புறம் வரை பக்தகோடிகளின் பதாகைகளால் அழகுற அலங்கரிக்கப்பட்டிருந்தன. விழா தொடங்குவதற்கு முன்னும், பின் தொடங்கியவுடன் அரங்கினுள்ளேயும் அண்ணலின் புகழ்பாடும் அன்புள்ளங்களின் கோஷங்கள் விண்ணைப் பிளந்தன. வாணவேடிக்கை, மலரலங்காரம், கற்பூர ஆரத்தி என்று பூஜாவிதாநங்களும் விமரிசையாய் நடைபெற்றன. மொத்தத்தில், ஒரு உணர்வுபூர்வமான நல்லிதயங்களின் நற்சங்கமமாக, இந்த விழா எல்லோர் மனதுக்கும் ஒரு நிறைவைத் தந்தது.

தொடரும்...

பக்தியுடன்,
பம்மலார்.