Nadigar Thilagam Sivaji Ganesan Part 11

[Murali Srinivas]

வாசு சார்,

முதலில் பிடியுங்கள் உங்களுக்கான பாராட்டுகளை. நாயகியர் விஷுவல் தொடர், சண்டைக் காட்சி தொடர் இவற்றை தொடர்ந்து ஆடை அலங்கார அணிவகுப்பு தொடரும் அற்புதம். இதை ஆரம்பிக்க போகிறீர்கள் என் நீங்கள் சொன்னபோது உங்களுக்கு வாழ்த்து தெரிவித்த நான் என்ன நினைத்திருந்தேன் என்றால் நடிகர் திலகம் ஆடை அலங்காரத்தில் ஜொலித்த சில பல படங்களை நீங்கள் மேற்கோள் காட்டப் போகிறீர்கள் என்று. ஆனால் முதல் படம் தொட்டு ஒவ்வொன்றையும் அலச போகிறீர்கள் என்பது sweet surprise. அதிலும் திரும்பிப் பார் பதிவின் மூலமாக இந்த திரியின் Super Star பதிவாளர் என்ற நிலைக்கு உயர்ந்து விட்டீர்கள் என்று சொன்னால் அது மிகையில்லை. நமது மையத்தின் வேறு சில section-களில் மட்டுமே தென்படும் ஒரு சிலரை [சின்ன கண்ணன் மற்றும் காட்டு பூச்சி போன்றவர்களை எல்லாம்] இந்த திரியின் பதிவாளர்களாக மாற்றியிருக்கிறீர்கள் என்று சொன்னால் அது பாராட்டப்பட வேண்டிய விஷயம்.

[சின்ன கண்ணன், நீங்கள் மதுரையா? என்னைப் போல் ஒருவன், தங்கம் என்ற வார்த்தைகளைப் பார்த்ததும் ஒரே சந்தோஷம்]

பாச மலர் படத்தின் வெள்ளி விழாப் புகைப்படங்களுக்கு நீங்கள் நன்றி சொல்ல வேண்டியது நடிகர் R.S சிவாஜி அவர்களுக்குதான். தயாரிப்பாளர் நடிகர் M.R சந்தானம் அவர்களின் மகனும் இயக்குனர் சந்தான பாரதி அவர்களின் சகோதரருமான இவர்தான் இந்த புகைப்படங்களை முதன் முதலாக Facebook-ல் அப்டேட் செய்தார்.[இந்தப் படத்தை மோகன் ஆர்ட்ஸ் மோகன் அவர்களுடன் இணைந்து தயாரித்தவர் M.R சந்தானம் எனபது உங்களுக்கு தெரிந்த செய்தி. பின்னர் அவர்கள் இருவரும் இதே பானரில் குங்குமம் படத்தையும் தயாரித்தனர்].ஆனால் அங்கிருந்து அதை மற்றவர்கள் எடுத்து போட்டுக் கொண்டனர்.

இனி உங்கள் main விஷயத்திற்கு வருகிறேன். ஞான ஒளி திரைப்படத்தை நமது NT FAnS அமைப்பின் சார்பில் நிச்சயமாக திரையிடுவோம். ஆனால் அது நண்பர் கோபால் வரும் போது இயலுமா என்று தெரியவில்லை. காரணம் கோபால் அடுத்த மாதம் வருவதாக சொல்லியிருக்கிறார்.

அடுத்த மாதம் [ஜூலை] அருண் போலவே மிக முக்கியமான நபர் ஒருவர், அவர்தம் [திரைப்பட] வாழ்க்கையில் சிறப்பான கட்டத்தை கடக்க இருக்கிறார். அவருக்கு உரிய மரியாதை கொடுத்து சிறப்பு செய்ய வேண்டுமென்று முயற்சிகள் எடுத்துக் கொண்டிருக்கிறோம். அநேகமாக ஜூலை 14-ந் தேதி அந்த நிகழ்வு இருக்கலாம். ஆகையால் அதற்கு அடுத்து வரும் மாதங்களில் நாம் ஆண்டனி/அருண் இருவரையும் வரவேற்போம்.

அன்புடன்