மனதைக் கவரும் மதுர கானங்கள் - பாகம் 5

[vasudevan31355]

'மேதினம் உழைப்பவர் சீதனம்'



அனைவர்க்கும் தொழிலாளர் தின நல்வாழ்த்துக்கள்.

அதை முன்னிட்டு அற்புதமான இந்த பாட்டாளி பாடல்.

'வாழ்க வாழ்க பாட்டாளி
தாழ்வில்லாத வழியை இங்கே
அமைத்திட வாரும் கூட்டாளி'

'வாழ்க வாழ்க பாட்டாளியே
வாழ்க வாழ்க பாட்டாளியே'

1957- ல் வெளிவந்து பாடல்களாலேயே மனதில் நீங்கா இடம் பெற்றுவிட்ட 'Naya Daur' இந்திப் படம் தமிழில் 'பாட்டாளியின் சபதம்' என்று 'டப்' ஆனது. பாடல்கள் ஒவ்வொன்றும் தேன் அமுது. திலீப், வைஜயந்தி ஜோடி இந்தி ரசிகர் மனதில் நங்கூரமாய் ஆழப் பதிந்தது.

'Saathi Haath Badhana' என்ற தொழிலார்களின் புகழ் பரப்பும் பாடல் இப்படத்தில் மிகப் பிரசித்தம். அந்தப் பாடலைத்தான் தமிழில்

'வாழ்க வாழ்க பாட்டாளி'

யாகக் காணப் போகிறீர்கள். அப்படியே இந்தி ஒரிஜினல் வடிவத்தையும்.

ஓ.பி.நய்யரின் விஸ்வரூப இசை இந்தப் படத்தின் பாடல்களை மறக்க முடியாமல் செய்து விட்டது. படப்பிடிப்பும் அபாரம்.

இந்தியில் ஆஷாவும், ரபியும் பின்னியெடுக்க அதையே தமிழில் டி.எம்.எஸ்ஸும், சுசீலாவும் பின்பற்றியிருப்பார்கள். இந்திப் பாடல்களை தமிழில் மொழி பெயர்ப்பது சற்று கடினம் என்பதால் தமிழ்ப் பாடல் இந்தி போல் வராது. அது தவறில்லை. இந்தப் பாடலும் அப்படித்தான். ஆனால் சுசீலா குரலில் வளம் பெறுவதை மறுக்க முடியாது. (முக்கியமாக 'பாட்டாளி' என்ற வார்த்தையை 'பட்டாளி' என்று சுசீலா சுருக்கி சுகம் தருவதை உணராமல் விட்டு விடாதீர்கள்)

அதே போல பாடலின் கோரஸ் குரல் ஜாலங்களை விட்டு விடுவதற்கில்லை. விட்டுவிட்டால் பாவியாகி விடுவேன். மீதி விளக்கங்களை ராஜ்ராஜ் சார் தருவார்.

வாழ்க தொழிலாளர் வர்க்கம்.

'வாழ்க வாழ்க பாட்டாளி'



'Saathi Haath Badhana'