Nadigar Thilagam Sivaji Ganesan Part 11

[Murali Srinivas]

சில நாட்கள் இடைவெளிக்கு பின் அனைவரையும் மீண்டும் சந்திப்பதில் மகிழ்ச்சி.

புதிய பறவை கோபால் ஞான ஒளி ஆண்டனி ஆகிய இருவரையும் ஒப்பிட்டு வாசு அவர்கள் எழுதிய comparative study மிக மிக சுவையாக அந்த இரண்டு பாத்திரங்களையும் மீண்டும் கண் முன் கொண்டு வருவதாக அமைந்திருந்தது. வாழ்த்துகள் வாசு.

நண்பர் கார்த்திக் அடிக்கடி விஷயம் ஒன்றை குறிப்பிடுவார். என்னவென்றால் சென்னை, மதுரை போன்ற நகரங்களில் பழைய நினைவுகளை இங்கே பகிர்ந்து கொள்வது போல் திருச்சி மாநகரில் நடிகர் திலகத்தின் பொற்கால சாதனை நாட்களை பற்றிய நினைவுகளை பகிர்ந்து கொள்ள யாரேனும் இருந்தால் எவ்வளவு இனிமையாக இருக்கும் என்று குறிப்பிடுவார். அந்த குறை போக்கும் வண்ணம் அங்கத்தினராக வந்து திருச்சி மாநகரில் மறு வெளியீடுகளில் நடிகர் திலகத்தின் படங்கள் சாதனை புரிந்த வரலாற்றை இங்கே பகிர்ந்துக் கொண்ட நண்பர் ராமச்சந்திரன் அவர்களுக்கு நெஞ்சார்ந்த நன்றி.

புதிய வரவாக வருகை தந்திருக்கும் முசிறியின் மைந்தன் பொன்.ரவிச்சந்திரன் அவர்களுக்கு எப்போதும் புதியவர்களை வாழ்த்துவது போல் நல்ல இடம் நீங்கள் வந்த இடம் என கூறி வரவேற்கிறேன். நடிகர் திலகத்தின் பல்வேறு பரிமாணங்களை நீங்கள் ரசித்த விதம் மற்றும் திருச்சியிலும் சுற்று வட்டாரங்களிலும் நடிகர் திலகத்தின் படங்கள் செய்த சாதனைகளையும் பகிர்ந்து கொள்ளுங்கள்.

நடிகர் திலகத்தின் முதல் படத்தையே 245 நாள் படமாக்கிய மாநகர் அல்லவா! வாழ்த்துகள்.

அன்புடன்